ନୂଆଦିଲ୍ଲୀ,୩।୧୦: ଷ୍ଟିଲ ଅଥରିଟି ଅଫ୍ ଇଣ୍ଡିଆ ଲିମିଟେଡ୍ (ସେଲ୍)ର ୫୦ତମ ବାର୍ଷିକ ସାଧାରଣ ସଭା (ଏଜିଏମ) ନିକଟରେ ଆୟୋଜିତ ହୋଇଯାଇଛି। ନୂଆଦିଲ୍ଲୀଠାରେ ଅବସ୍ଥିତ ସେଲ୍ ମୁଖ୍ୟାଳୟ ପରିସରରେ ଭର୍ଚୁଆଲ୍ ପ୍ଲାଟଫର୍ମ ମାଧ୍ୟମରେ ଆୟୋଜିତ ବୈଠକରେ ସେଲ୍ର ଚେୟାରମ୍ୟାନ୍ ସୋମା ମଣ୍ଡଳ ଅଧ୍ୟକ୍ଷତା କରିଥିଲେ। ବିଶେଷକରି ସେଲ୍ର ଅଂଶୀଦାରମାନଙ୍କୁ ସମ୍ବୋଧିତ କରି ମଣ୍ଡଳ କହିଥିଲେ ଯେ ଗତ ଆର୍ଥିକ ବର୍ଷ (୨୦୨୧-୨୨) ମଧ୍ୟରେ କମ୍ପାନୀର ସଫଳତା ସମ୍ପର୍କରେ ସେ ବିସ୍ତୃତ ବର୍ଣ୍ଣନା କରିଥିବା ବେଳେ କମ୍ପାନୀର ଭବିଷ୍ୟତ ଯୋଜନା ବିଷୟରେ ମଧ୍ୟ ବର୍ଣ୍ଣନା କରିଛନ୍ତି।
୨୦୨୧-୨୨ଆର୍ଥିକ ବର୍ଷରେ କମ୍ପାନୀ ହଟ୍ ମେଟାଲର ୧୮.୭୩୩ ମିଲିୟନ୍ ଟନ୍ ଏବଂ ୧୭.୩୬୬ ଅଶୋଧିତ ଇସ୍ପାତ ଉତ୍ପାଦନ କରି ଏହାର ସର୍ବୋତ୍ତମ ଉତ୍ପାଦନ ପ୍ରଦର୍ଶନ କରିଛି। ସେହିପରି କମ୍ପାନୀ ପ୍ରଥମ ଥର ପାଇଁ ଭାରତୀୟ କମ୍ପାନୀଗୁଡିକର ଅଭିଜିତ କ୍ଲବରେ ପ୍ରବେଶ କରି ୧ଲକ୍ଷ କୋଟିରୁ ଅଧିକ ଟଙ୍କା କାରବାର କରିଛି। ଅପରପକ୍ଷରେ ସର୍ବୋତ୍ତମ ବ୍ୟବସାୟ ତୁଳନାରେ ୫୦%ରୁ ଅଧିକ ଅଭିବୃଦ୍ଧି ହାସଲ କରିଛି। ଉନ୍ନତ ଅପରେଟିଂ କାର୍ଯ୍ୟଦକ୍ଷତା କମ୍ପାନୀକୁ ଲାଭାନ୍ବିତ ଦୃଷ୍ଟିରୁ ସର୍ବାଧିକ ଲାଭ ହାସଲ କରିବାରେ ସାହାଯ୍ୟ କରିଛି ବୋଲି ସେ ମତବ୍ୟକ୍ତ କରିଛନ୍ତି।
୨୦୨୨ ବର୍ଷ ଦେଶ ପାଇଁ ଏକ ମାଇଲଖୁଣ୍ଟ ବୋଲି ପ୍ରମାଣିତ ହୋଇଛି ଏବଂ ଭାରତ ସ୍ବାଧୀନତାର ୭୫ତମ ଗୌରବମୟ ବର୍ଷ ପୂରଣ କରିଛି। ଆଧୁନିକ ଭାରତ ଯାତ୍ରାରେ ଏହା ଏକ ଅସାଧାରଣ ମାଇଲଖୁଣ୍ଟ ଅଟେ, ଯାହାକି ଭାରତ ୨.୦ରେ ଆଗକୁ ବଢିବାକୁ ଭାରତର ପ୍ରସ୍ତୁତତାକୁ ଦୃଷ୍ଟିରେ ରଖି ଅଧିକ ଗୁରୁତ୍ୱ ବହନ କରୁଛି। ଏହି ଅବସରରେ ସେଲ୍ର ବରିଷ୍ଠ ଅଧିକାରୀ ଓ ଅଂଶୀଦାରଙ୍କ ସମେତ ଅନ୍ୟମାନେ ମଧ୍ୟ ଉପସ୍ଥିତ ଥିଲେ।
