ଢ଼ାକା,୮।୧୨: ପ୍ରଥମ ଦିନ ବର୍ଷା ବାଧକ ସାଜିବାରୁ ମାତ୍ର ୬.୨ ଓଭର ଖେଳ ସମ୍ଭବ ହୋଇପାରିଥିଲା। ଦ୍ୱିତୀୟ ଦିନ ସମାନ କାରଣରୁ ସମ୍ଭବ ହୋଇପାରି ନ ଥିଲା ଖେଳ। ବିଳମ୍ବରେ ତୃତିୟ ଦିନର ଖେଳ ଆରମ୍ଭ ହେଲା। ଏହାସତ୍ତ୍ୱେ ଢାକା ଟେଷ୍ଟରେ ପାକିସ୍ତାନ ଏକ ଇନିଂସ ଓ ୮ ରନ୍ରେ ବାଂଲାଦେଶକୁ ହରାଇ ଦେଇଛି।
ମ୍ୟାଚ୍ର ଅନ୍ତିମ ତଥା ୫ ଦିନ ବାଂଲାଦେଶ ୭୬/୭ରୁ ପ୍ରଥମ ଇନିଂସ ବ୍ୟାଟିଂ କରିଥିଲା। ପୂର୍ବରୁ ୩୦୦/୪ ସ୍କୋରରେ ପ୍ରଥମ ଇନିଂସ ପାଳି ଘୋଷଣା କରିଥିଲା ପାକିସ୍ତାନ। ଫଳରେ ବାଂଲାଦେଶକୁ ଫଲୋଅନ୍ ଏଡ଼ାଇବା ପାଇଁ ବଳକା ୩ ଉଇକେଟରେ ୨୫ ରନ ଦରକାର ଥିଲା। ହେଲେ ଘରୋଇ ଦଳର ଇନିଂସ ଅଟକି ଯାଇଥିଲା ମାତ୍ର ୮୭ ରନ୍ରେ। ଦ୍ୱିତୀୟ ଇନିଂସ ଆରମ୍ଭରୁ ବାଂଲାଦେଶର ଟପ୍ ଅର୍ଡରକୁ ବିଗାଡ଼ି ଦେଇଥିଲେ ପାକିସ୍ତାନୀ ପେସର ଶାହୀନ ଆଫ୍ରିଦୀ ଓ ହାସନ ଅଲି। ମୁଶଫିକର ରହିମ (୪୮), ଲିଟନ ଦାସ (୪୫), ଶାକିବ ଅଲ ହାସନ (୬୩) ଦଳକୁ ଇନିଂସ ପରାଜୟରୁ ବଞ୍ଚାଇବା ପାଇଁ ଖୁବ୍ ଚେଷ୍ଟା କରିଥିଲେ। କିନ୍ତୁ ପୁଣି ଥରେ ସେମାନଙ୍କ ଲାଗି କାଳ ସାଜିଥିଲେ ସାଜିଦ ଖାନ। ବାଂଲାଦେଶ ମାତ୍ର ୨୦୫ ରନ୍ରେ ଅଲଆଉଟ୍ ହୋଇଯାଇଥିଲା। ପ୍ରଥମ ଇନିଂସରେ ୮ ଉଇକେଟ ନେଇଥିବା ସାଜିଦ ଦ୍ୱିତୀୟ ପାଳି ୪ ସଫଳତା ହାତେଇଥିଲେ।