ଯେବେଠାରୁ ସୋସିଆଲ ମିଡିଆର କ୍ରେଜ୍ ବଢ଼ିଛି ସେବେଠାରୁ ସେଲିବ୍ରିଟିଙ୍କ ଜୀବନ ସହ ଜଡିତ ଅନେକ ରହସ୍ୟ ବିଷୟରେ ଜଣାପଡ଼ିଯାଉଛି। ପୂର୍ବରୁ କେବଳ ଟିଭି, ଖବରକାଗଜ ଏବଂ ମାଗାଜିନ ମାଧ୍ୟମରେ କଳାକାରଙ୍କ ବିଷୟରେ ଅନେକ କଥା ଜଣାପଡ଼ୁଥିଲା। ମାତ୍ର ଏବେ ସୋସିଆଲ ମିଡିଆରୁ କଳାକାରଙ୍କ ଜୀବନ ବିଷୟରେ ସବୁକିଛୁ ଜଣାପଡ଼ୁଛି। ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସ୍ତ୍ରୀ ସାକ୍ଷୀ ଇନ୍ଷ୍ଟାଗ୍ରାମ୍ରେ ବହୁତ ସକ୍ରିୟ। ଇନ୍ଷ୍ଟାଗ୍ରାମ୍ରେ ତାଙ୍କର ଫଟୋ ଦେଖିବା ପରେ ସ୍ପଷ୍ଟ ଜଣାପଡ଼ିଯାଉଛି ଯେ, ସେ କେଉଁ ଜିନିଷକୁ ବେଶି ଭଲ ପାଉଛନ୍ତି। ତାହା ହେଉଛି ସନ୍ଗ୍ଲାସ୍। ସାକ୍ଷୀଙ୍କ ପ୍ରାୟ ସମସ୍ତ ଫଟୋରେ ତାଙ୍କର ଷ୍ଟାଇଲିଷ୍ଟ ଚଷମା ଦେଖିବାକୁ ମିଳୁଛି। ସେ ଷ୍ଟାଇଲ ଚଷମା ଲଗାଇବାକୁ ବହୁତ ଭଲ ପାଆନ୍ତି। ସବୁ ସମୟରେ ତାଙ୍କୁ ଭିନ୍ନ ଭିନ୍ନ ପ୍ରକାରର ଚଷମା ଲଗାଉଥିବାର ଦେଖିବାକୁ ମିଳିଛି। ଇନ୍ଷ୍ଟାଗ୍ରାମ୍ରେ ସାକ୍ଷୀଙ୍କର ୪.୪ ମିଲିୟନ ଫଲୋଅର୍ସ ରହିଛନ୍ତି। ତାଙ୍କର ପ୍ରତ୍ୟେକ ଫଟୋକୁ ଲକ୍ଷ ଲକ୍ଷ ଲାଇକ୍ ମିଳିଥାଏ।
