ଭାରତରେ ସରକାରୀ କର୍ମଚାରୀ ନିଜ ଅଫିସକୁ କେତେବେଳେ ଆସନ୍ତି କେତେବେଳେ ଯା’ନ୍ତି ତାର କୌଣସି ଠିକଣା ନ ଥାଏ। ଅଫିସକୁ ବିଳମ୍ବରେ ଆସି ଘରକୁ ଶୀଘ୍ର ଚାଲିଯିବାର ଅନେକଙ୍କ ନିତିଦିନିଆ ଅଭ୍ୟାସ। ମାତ୍ର ଜାପାନରେ ନିୟମ କିନ୍ତୁ ଅଲଗା। ଏଠାରେ ସରକାରୀ କର୍ମଚାରୀ ମାତ୍ର ଦୁଇ ମିନିଟ୍ ପୂର୍ବରୁ ଅଫିସ ଛାଡ଼ି ଚାଲିଗଲେ ବୋଲି ତାଙ୍କର ମୋଟା ଅଙ୍କର ଦରମା କଟିଛି। ଯାହା ଶୁଣିଲେ ଆଶ୍ଚର୍ଯ୍ୟ ଲାଗେ। ମାତ୍ର ଏହା ସତ।
ଏକ ରିପୋର୍ଟ ଅନୁଯାୟୀ, ୨୦୧୯ରୁ ୨୦୨୧ ଜାନୁୟାରୀ ମଧ୍ୟରେ ୩୧୬ ଥର କମର୍ଚାରୀମାନେ ଅଫିସ ୨ ମିନିଟ୍ ପୂର୍ବରୁ ଅଫିସ ଛାଡ଼ିଛନ୍ତି। ତେଣୁ ଏହି କର୍ମଚାରୀମାନଙ୍କର ଦରମା କଟାଯାଇଛି।
କିଛି କର୍ମଚାରୀ ନିଜର ଆଟେଡାନ୍ସରେ ଭୁଲ ଟାଇମ୍ ଲେଖିଥିଲେ। ତେଣୁ ସେମାନେ ଅଫିସରୁ ଶୀଘ୍ର ବାହାରି ଯାଉଥିଲେ। ଏଥିରେ ତାଙ୍କୁ ଏଜୁକେଶନ ବୋର୍ଡର ଲାଇଫଲଙ୍ଗ ଲର୍ନିଂ ଡିର୍ପାଟମେଣ୍ଟର ୫୯ ବର୍ଷୀୟ ଆସିଷ୍ଟାଣ୍ଟ ସେକ୍ସନ ମୁଖ୍ୟ କର୍ମଚାରୀ ସାହାଯ୍ୟ କରିଥିଲେ। ଫଳରେ ଦଣ୍ଡ ସ୍ବରୂପ ଯେଉଁମାନେ ଶୀଘ୍ର ଅଫିସ ଛାଡ଼ିଥିଲେ ସେମାନଙ୍କର ୩ ମାସର ଦରମା କାଟି ଦିଆଯାଇଛି। ଜଣେ ମହିଳା କର୍ମଚାରୀଙ୍କ ଅଫିସ ୫.୧୫ରେ ଅଫିସ ଛାଡ଼ିଦେଇଥିଲେ। କିନ୍ତୁ ତାଙ୍କ ଲଗ୍-ଆଉଟ୍ ଟାଇମ୍ ୫.୧୭ ଥିଲା। ସେ ଦୁଇ ମିନିଟ୍ ପୂର୍ବରୁ ଅଫିସ ଛାଡ଼ିଥିଲେ ବୋଲି ତାଙ୍କର ୩ ମାସର ଦରମା କଟିଛି। ସେହିପରି ଯେଉଁ କର୍ମଚାରୀମାନେ ଏପରି ୨ ମିନିଟ୍ ପୂର୍ବରୁ ଅଫିସ ଛାଡ଼ିଛନ୍ତି ସେମାନେ ସମସ୍ତେ ଦଣ୍ଡିତ ହୋଇଥିବା ଏକ ରିପୋର୍ଟରୁ ଜଣାପଡ଼ିଛି।
