କେନ୍ଦୁଝର,୪ା୨(ସ୍ବ.ପ୍ର.): କେନ୍ଦୁଝର ଜିଲା ଝୁମ୍ପୁରା ବ୍ଲକ୍ ମଲଦା ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଉପସ୍ଥାନ ଖାତାରେ ପରଦିନର ଦସ୍ତଖତ ପୂର୍ବଦିନ କରି ଧରାପଡ଼ିଥିଲେ। ଏନେଇ ଜିଲା ଶିକ୍ଷା ଅଧିକାରୀ ପୂର୍ଣ୍ଣଚନ୍ଦ୍ର ସେଠୀ ତାଙ୍କର ଦିନକର ଦରମା ବନ୍ଦ କରିବା ସହ କାରଣ ଦର୍ଶାଅ ନୋଟିସ୍ କରିଛନ୍ତି।
ସୂଚନା ଅନୁଯାୟୀ, ଜାନୁୟାରୀ ୩୦ରେ ଜିଲା ଶିକ୍ଷାଧିକାରୀ ବିଦ୍ୟାଳୟକୁ ଦିନ ୧୦ଟାରେ ପରିଦର୍ଶନରେ ଯାଇଥିଲେ। ସେ ସମୟରେ ପ୍ରଧାନଶିକ୍ଷକ ଅକ୍ଷୟ ମହାନ୍ତ ବିଦ୍ୟାଳୟକୁ ନ ଆସିଥିଲେ ମଧ୍ୟ ଉପସ୍ଥାନ ଖାତାରେ ସମୟ ୯ଟା ୩୦ ମିନିଟ୍ରେ ଉଲ୍ଲେଖ କରାଯାଇ ଦସ୍ତଖତ ରହିଥିବା ଦେଖିବାକୁ ପାଇଥିଲେ। ପ୍ରଧାନଶିକ୍ଷକ ପୂର୍ବଦିନ ଅର୍ଥାତ ଜାନୁୟାରୀ ୨୯ରେ ଆଗୁଆ ଦସ୍ତଖତ କରିଥିବା ଅନୁସନ୍ଧାନ କରି ଜିଲା ଶିକ୍ଷାଧିକାରୀ ସେଠୀ ଜାଣିବାକୁ ପାଇଥିଲେ। ପରେ ସେ ଉକ୍ତ ଦିିନ ୧୧ ଟା ୪୫ରେ ବିଦ୍ୟାଳୟକୁ ପହଞ୍ଚତ୍ଥିଲେ। ପ୍ରଧାନଶିକ୍ଷକ ପୂର୍ବରୁ ଅନେକ ଥର ବିଳମ୍ବରେ ବିଦ୍ୟାଳୟ ଆସୁଥିବା ସ୍ଥାନୀୟ ଲୋକ ପ୍ରତିନିଧି ଅଭିଯୋଗ କରି କାର୍ଯ୍ୟାନୁଷ୍ଠାନ ଦାବି କରିଥିଲେ। ଜିଲା ଶିକ୍ଷା ଅଧିକାରୀ ଏହାର ସତ୍ୟାସତ୍ୟ ଜାଣିବା ପରେ ୧ ଦିନର ଦରମା ବନ୍ଦ କରିବା ସହ ପ୍ରଧାନଶିକ୍ଷକଙ୍କୁ କାରଣ ଦର୍ଶାଅ ନୋଟିସ୍ ଜାରି କରି ୭ ଦିନ ମଧ୍ୟରେ ତ୍ତତ୍ତର ରଖିବାକୁ ନିର୍ଦ୍ଦେଶ ଦେଇଛନ୍ତି। ସନ୍ତୋଷଜନକ ଉତ୍ତର ନ ମିଳିଲେ ଶୃଙ୍ଖଳାଗତ କାର୍ଯ୍ୟନୁଷ୍ଠାନ ନିଆଯିବ ବୋଲି ସେଠୀ କହିଛନ୍ତି।