ନୂଆଦିଲ୍ଲୀ,୬ ।୭: ଖ୍ୱାଜା ଗରିବ ନୱାଜ ଦରଗାହର ଖାଦିମ ସଲମାନ ଚିସ୍ତିଙ୍କୁ ଅଜମେର ପୋଲିସ ଗିରଫ କରିଛି । ସୋସିଆଲ ମିଡିଆରେ ଉତ୍ତେଜକ ପୋଷ୍ଟ ଅପଲୋଡ କରିବା ଅପରାଧରେ ପୋଲିସ ତାଙ୍କୁ ଗିରଫ କରିଛି । ଏ ସମ୍ପର୍କରେ ତାଙ୍କୁ ପଚରା ଉଚରା କରାଯାଉଛି । ଅଭିଯୁକ୍ତ ସଲମାନ ନୁପୁର ଶର୍ମାଙ୍କ ହତ୍ୟାକାରୀକୁ ତାଙ୍କ ଘର ଦେବେ ବୋଲି କହିବା ସହ ବିବାଦୀୟ ଟିପ୍ପଣି ବି ଦେଇଥିଲେ । ଏହାକୁ ନେଇ ଅଜମେର ଦରଗାହ ପୋଲିସ ମାମଲା ରୁଜୁ କରିବା ସହ ପୋଲିସର ୩ଟି ଟିମ ସଲମାନଙ୍କୁ ବିଭିନ୍ନ ସ୍ଥାନରେ ଖୋଜିବା ସହ ଶେଷରେ ତାଙ୍କୁ ଗିରଫ କରିବାକୁ ସକ୍ଷମ ହୋଇଥିଲା ।
ସୂଚନାଯୋଗ୍ୟ, ସୋମବାର ସୋସିଆଲ ମିଡିଆରେ ପୋଲିସ ସାମ୍ନାକୁ ଆସିଥିବା ଏକ ଭିଡିଓ ପରେ ସାରା ଦେଶରେ ଉତ୍ତେଜନା ପରିସ୍ଥିତି ସୃଷ୍ଟି କରିଥିଲା । ଶେଷରେ ପୋଲିସ ସଲମାନ ଚିସ୍ତିଙ୍କୁ ତାଙ୍କ ଖାଦିମ ମୋହଲ୍ଲା ସ୍ଥିତ ଘରୁ ଗିରଫ କରିଥିଲା ।