ମୁମ୍ବାଇ: ବିଗ୍ ବସ୍ ସିଜନ-୧୫କୁ ନେଇ ଚର୍ଚ୍ଚାରେ ରହୁଥିବା ଅଭିନେତା ସଲମାନ ଖାନ ସୋସିଆଲ ମିଡିଆରେ ଏକ ନୂଆ ଫଟୋ ପୋଷ୍ଟ କରିଛନ୍ତି। ଯେଉଁଥିରେ ସେ ଏକ ଘୋଡ଼ାକୁ ଆଲିଙ୍ଗନ କରୁଥିବା ଦେଖାଯାଉଛି। ଏହି ଫଟୋଟି ସଲମାନଙ୍କ ଫାର୍ମ ହାଉସର ବୋଲି କୁହାଯାଉଛି। ଡିସେମ୍ବର ୨୭ରେ ସଲମାନ ତାଙ୍କ ଜନ୍ମଦିନ ପାଳନ କରିବା ପାଇଁ ଫାର୍ମ ହାଉସରେ ପହଞ୍ଚିଥିଲେ। ଏହି ସମୟରେ ସେ ଫାର୍ମ ହାଉସରେ ଫଟୋ ବି ଶେୟାର କରିଥିଲେ। ଏପରିକି ଲକ୍ଡାଉନ୍ ସମୟରେ ଭାଇଜାନ ସେହି ଫାର୍ମହାଉସରେ ରହୁଥିଲେ।
ସଲମାନ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମରେ ଘୋଡ଼ା ସହିତ ଫଟୋଟି ଶେୟାର କରିଛନ୍ତି। ଏଥିରେ ସେ ଘୋଡ଼ାକୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି। ଫଟୋ ପୋଷ୍ଟ କରି ସଲମାନ ଲେଖିଛନ୍ତି, ଘୋଡ଼ାର ପାଟି। ସଲମାନଙ୍କ ଏହି ଫଟୋକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି। ଏକ ଘଣ୍ଟା ମଧ୍ୟରେ ଫଟୋରେ ୫ ଲକ୍ଷରୁ ଅଧିକ ଲୋକ ପସନ୍ଦ କରିଛନ୍ତି। ସଲମାନ ଘୋଡ଼ାକୁ ବହୁତ ଭଲ ପାଆନ୍ତି ଏବଂ ତାଙ୍କ ଫାର୍ମ ହାଉସରେ ଅନେକ ଘୋଡ଼ା ରଖିଛନ୍ତି।
ଏହି ଫଟୋରେ ଜଣେ ପ୍ରଶଂସକ ଲେଖିଛନ୍ତି, ‘ଲଭ ୟୁ ସୁଲତାନ’। ସେହିପରି ଅନ୍ୟ ଜଣେ ଅନ୍ୟ ପ୍ରଶଂସକ ଲେଖିଛନ୍ତି, ‘ଘୋଡ଼ା ଭାଗ୍ୟଶାଳୀ, ଯିଏ କି ଆପଣଙ୍କୁ ଆଲିଙ୍ଗନ କରୁଛି’। ଭିଡିଓରେ ସଲମାନ ପ୍ରଥମେ ଘୋଡ଼ା ଉପରେ ମୁଣ୍ଡ ରଖି ଶୋଇଥିବାର ନଜର ଆସିଛନ୍ତି, କିନ୍ତୁ ହଠାତ୍ ଉଠି ତାଙ୍କୁ ଯତ୍ନ ନେବାରେ ଲାଗିଲେ ଏବଂ କପାଳରେ ଚୁମ୍ବନ ମଧ୍ୟ ଦେଲେ। ଘୋଡ଼ା ଚଢ଼ିବାକୁ ସଲମାନ ବହୁତ ପସନ୍ଦ କରନ୍ତି।