ବଲିଉଡ ଅଭିନେତା ସଲମାନ ଖାନ ସର୍ବଦା ଚର୍ଚ୍ଚାରେ ରୁହନ୍ତି। ଅଭିନେତା ସୁନୀଲ ସେଟ୍ଟୀଙ୍କ ପରିବାର ସହିତ ତାଙ୍କର ବହୁତ ଭଲ ସମ୍ପର୍କ ରହିଛି। ସଲ୍ଲୁ ତାଙ୍କର ପ୍ରଥମ ପ୍ରଡକ୍ସନ ଫିଲ୍ମ ‘ହିରୋ’ ନିର୍ମାଣ କରିଥିଲେ। ଏହି ଫିଲ୍ମରେ ସେ ସୁନୀଲ ସେଟ୍ଟୀଙ୍କ ଝିଅ ଆଥିଆ ଏବଂ ଆଦିତ୍ୟ ପାଞ୍ଚୋଲିଙ୍କ ପୁଅ ସୁରଜ ପାଞ୍ଚୋଲି ମୁଖ୍ୟ ଭୂମିକାରେ ଥିଲେ। ଏହା ଉଭୟଙ୍କ ଡେବ୍ୟୁ ଫିଲ୍ମ ଥିଲା। ନିକଟରେ ସଲମାନ ଖାନ ଆଥିଆଙ୍କୁ କ୍ଷମା ମାଗିଛନ୍ତି। ସଲମାନ ଖାନ କିଛି ଦିନ ପୂର୍ବରୁ ତାଙ୍କ ଭାଇ ଅରବାଜ ଖାନଙ୍କ ଟକ ଶୋ’ ପିଞ୍ଚ୍ ସିଜନ ୨’ରେ ଅଭିନୟ କରିଥିଲେ। କଥାବାର୍ତ୍ତା ସମୟରେ, ଅରବାଜ ସଲମାନଙ୍କୁ କହିଥିଲେ ଯେ କ୍ୟାଟ୍ରିନା କୈଫ, ଆଥିଆ ସେଟ୍ଟୀ ଏବଂ ସଙ୍ଗୀତା ବିଜଲାନିଙ୍କ ମଧ୍ୟରେ ସେ କେଉଁ ଅଭିନେତ୍ରୀଙ୍କୁ ଇନଷ୍ଟାଗ୍ରାମରେ ଫଲୋ କରନ୍ତି ନାହିଁ?
ଅରବାଜ ଖାନଙ୍କ ଏହି ପ୍ରଶ୍ନ ଉପରେ ସଲମାନ ଉତ୍ତର ଦେଇଥିଲେ ଯେ ସେ ଇନଷ୍ଟାଗ୍ରାମରେ ସଙ୍ଗୀତା ବିଜଲାନିଙ୍କୁ ଫଲୋ କରୁନାହାଁନ୍ତି, କିନ୍ତୁ ଏହାର ସଠିକ ଉତ୍ତର ଥିଲା ଆଥିଆ ସେଟ୍ଟୀ। ଏହା ଜାଣିବା ପରେ ସଲମାନ ଇନଷ୍ଟାଗ୍ରାମରେ ଆଥିଆଙ୍କୁ କ୍ଷମା ମାଗିଥିଲେ। ଆଗକୁ ସେ ଆଥିଆଙ୍କୁ ଫଲୋ କରିବାକୁ ମଧ୍ୟ ସେ ପ୍ରତିଶୃତି ଦେଇଛନ୍ତି। ଆଥିଆଙ୍କ ପିତା ସୁନୀଲ ଶେଟ୍ଟୀ ସଲମାନଙ୍କ କଥା ଉପରେ ପ୍ରତିକ୍ରିୟା ରଖିଛନ୍ତି। ଆଥିଆଙ୍କୁ କ୍ଷମା ମାଗିଥିବାରୁ ସୁନୀଲ ସଲମାନଙ୍କୁ ପ୍ରଶଂସା କରିଛନ୍ତି। ସେ କହିଛନ୍ତି, ସେ (ସଲମାନ ଖାନ) ଯାହା କରନ୍ତି, ସେ ନିଜ ହୃଦୟରୁ କରନ୍ତି। ଆଥିଆଙ୍କୁ ପରଦାରେ କ୍ଷମା ମାଗିବା ଭଲ କଥା। ସେମାନଙ୍କର ଏକ ସୁନ୍ଦର ସମ୍ପର୍କ ଅଛି। କ୍ଷମା ମାଗିବା ଲୋକ ସବୁଠାରୁ ଭଲ ହୋଇଥାଏ ବୋଲି ସେ କହିଛନ୍ତି।