ମୁମ୍ବାଇ: ଏନ୍ସିପି ନେତା ତଥା ରାଜ୍ୟସଭା ଏମ୍ପି ପ୍ରଫୁଲ୍ଲ ପଟେଲଙ୍କ ପୁଅ ଜୟପୁରରେ ବିବାହ କରୁଛନ୍ତି। ଏହି ବିବାହ ଉତ୍ସବରେ ଯୋଗଦେବାକୁ ଆସିଥିବା ‘ଜୁମ୍ମେ କି ରାତ୍’ ଗୀତରେ ସଲମାନ ଖାନ୍ଙ୍କ ଧୂମ ନାଚୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ଅନିଲ କପୁର ଏବଂ ଶିଳ୍ପା ଶେଟ୍ଟୀ ମଧ୍ୟ ନାଚୁଥିବାର ନଜର ଆସିଛନ୍ତି। ଏହି ବିବାହ ଉତ୍ସବରେ ଫ୍ୟାଶନ ଡିଜାଇନର୍ ମନୀଷ ମାଲହୋତ୍ରା ମଧ୍ୟ ଯୋଗ ଦେଇଥିଲେ।
ସଲମାନ, ଅନିଲ କପୁର ଏବଂ ଶିଳ୍ପା ଶେଟ୍ଟୀ ‘ଜୁମ୍ମେ କି ରାତ୍’ ଗୀତରେ ଅଭିନୟ କରିଥିଲେ। ଫ୍ୟାଶନ ଡିଜାଇନର୍ ମନୀଷ ମାଲହୋତ୍ରା ପ୍ରଫୁଲ୍ଲ ପଟେଲଙ୍କ ପୁଅ ପ୍ରଜୟ ଏବଂ ବୋହୂ ଶିବିକାଙ୍କ ସହ ବି ନାଚିଥିଲେ।
ସଲ୍ମାନ ବିବାହରୁ ଫେରିବା ପରେ ‘ଟାଇଗର-୩’ପାଇଁ ଶୁଟିଂ ଆରମ୍ଭ କରିବେ। ସଲମାନ-କ୍ୟାଟ୍ରିନାଙ୍କ ସହ ଦିଲ୍ଲୀରେ ଶୁଟିଂ କରିବେ। ଉଭୟଙ୍କ ୧୫ ଦିନିଆ କାର୍ଯ୍ୟସୂଚୀ ରହିଛି। ଯାହା ପରେ ଫିଲ୍ମର ଶୁଟିଂ ଶେଷ ହେବ।
