ମୁମ୍ବାଇ: ବଲିଉଡ ସୁପରଷ୍ଟାର ସଲମାନ ଖାଁଙ୍କ ମୁଭି ‘କଭି ଇଦ କଭି ଦିୱାଲି’କୁ ନେଇ ସବୁବେଳେ କିଛି ନା କିଛି ଚର୍ଚ୍ଚା ଲାଗି ରହିଛି । କିଛିଦିନ ହେବ ଏହି ମୁଭିକୁ ନେଇ କିଛି ନା କିଛି ଅପଡେଟ ଆସୁଛି । ଏବେ ଶୁଣିବାକୁ ମିଳିଛି କି ଫିଲ୍ମର ନାଁକୁ ବଦଳାଇବାକୁ ଚାହୁଛନ୍ତି ସଲମାନ । ତେବେ ଫିଲ୍ମର ନାମ ‘ଭାଇଜାନ’ ରଖାଯିବ ବୋଲି କୁହାଯାଉଛି । ହେଲେ ଫିଲ୍ମକୁ ନେଇ ସଲମାନ କିଛି ସାଲିସ କରିବାକୁ ଚାହୁଁ ନାହାଁନ୍ତି । କାରଣ ନିକଟରେ ସେ ଏଥିପାଇଁ ନିଜ ଭିଣୋଇ ଆୟୁଷ ଶର୍ମା ଓ ଜହରି ଇକବାଲଙ୍କୁ ଫିଲ୍ମରୁ ଆଉଟ କରି ଦେଇଛନ୍ତି । ତେବେ ସଲମାନଙ୍କ ଏହି ଫିଲ୍ମ ପ୍ୟାନ ଇଣ୍ଡିଆ ଲେବଲରେ ରିଲିଜ୍ କରାଯିବାକୁ ଯୋଜନା କରାଯାଇଛି । ସଲମାନଙ୍କ ଏହି ଫିଲ୍ମରେ ତେଲଗୁ ସୁପରଷ୍ଟାର ଭେଙ୍କଟେଶ ଓ ପୂଜା ହେଗଡେ ମୁଖ୍ୟ ଭୁମିକାରେ ନଜର ଆସିବେ । ଭାଇଜାନ ଏହାକୁ ତାମିଲ ଓ ତେଲଗୁରେ ରିଲିଜ କରିବାକୁ ଯୋଜନା କରୁଛନ୍ତି । ଫିଲ୍ମକୁ ସୁପରହିଟ୍ କରିବାକୁ ସଲମାନ ଯୋରସୋରରେ ପ୍ରସ୍ତୁତିରେ ଲାଗି ପଡିଥିବା କୁହାଯାଉଛି ।