ବଲିଉଡ୍ର ସବୁଠୁ ପ୍ରସିଦ୍ଧ ଅଭିନେତାଙ୍କ ମଧ୍ୟରେ ଅନ୍ୟତମ ସଲମାନ୍ ଖାନ୍। ସମଗ୍ର ବିଶ୍ୱରେ ତାଙ୍କର ଅନେକ ପ୍ରଶଂସକ ରହିଛନ୍ତି। ବର୍ତ୍ତମାନ ପର୍ଯ୍ୟନ୍ତ ଅନେକ ସୁପରହିଟ୍ ଫିଲ୍ମରେ ସେ କାମ କରିସାରିଛନ୍ତି। ପ୍ରତି ବର୍ଷ ସଲମାନ ନିଜର ପ୍ରଶଂସକଙ୍କ ପାଇଁ ଗୋଟିଏ ନା ଗୋଟିଏ ଫିଲ୍ମ ନେଇ ଆସିଥାନ୍ତି। କିନ୍ତୁ ମହାମାରୀ ମରୋନା ପାଇଁ ୨୦୨୦ରେ ତାଙ୍କର କୌଣସି ଫିଲ୍ମ ରିଲିଜ୍ ହୋଇପାରି ନାହିଁ। ମାତ୍ର ସୋସିଆଲ ମିଡିଆରେ ସଲମାନ୍ଙ୍କର ଏବେ ଏକ ଭିଡିଓ ଖୁବ୍ ଚର୍ଚ୍ଚାରେ ରହିଛି। ଉକ୍ତ ଭିଡିଓରେ ସେ ବଲିଉଡ୍ର ସବୁଠାରୁ ସୁନ୍ଦରୀ ଅଭିନେତ୍ରୀଙ୍କ ସମସ୍ତ ଫଟୋକୁ ସେ ଜୁମ୍ କରି ଦେଖୁଥିବା କହୁଛନ୍ତି।
ଏହି ଭିଡିଓଟି ହେଉଛି କମେଡି କିଙ୍ଗ୍ କପିଲ ଶର୍ମାଙ୍କ ଟିଭି ଶୋ’ ‘କମେଡି ନାଇଟ୍ସ ଓ୍ବିଥ୍ କପିଲ’ର। ଏହି ଅବସରରେ କପିଲ ସଲମାନଙ୍କୁ ପ୍ରଶ୍ନ କରୁଛନ୍ତି ଯେ, ଆପଣ କେବେ କେଉଁ ପ୍ରଶଂସକଙ୍କ ଫଟୋକୁ ଜୁମ୍ କରି ଦେଖିଛନ୍ତି। ଏହାର ଉତ୍ତରରେ ସଲମାନ୍ କହୁଛନ୍ତି, ମୁଁ ଅନ୍ୟ କାହାର ନୁହେଁ, ବରଂ କ୍ୟାଟ୍ରିକା କୈଫ୍ଙ୍କ ସମସ୍ତ ଫଟୋକୁ ଜୁମ୍ କରି ଦେଖିଥାଏ। ସଲମାନ୍ଙ୍କ ମୁହଁରୁ ଏହା ଶୁଣିବା ପରେ ସେଠାରେ ଉପସ୍ଥିତ କ୍ୟାଟ୍ରିନା ଏବଂ କପିଲ ଉଭୟ ହସୁଛନ୍ତି। ସଲମାନ୍ଙ୍କ ଏହି ଭିଡିଓକୁ ପ୍ରଶଂସକ ଖୁବ୍ ପସନ୍ଦ ମଧ୍ୟ କରୁଛନ୍ତି।