ବଲିଉଡର ଦବଙ୍ଗ ସଲମାନ ଖାନ ଫିଲ୍ମ ଇଣ୍ଡଷ୍ଟ୍ରିରେ ୩୩ ବର୍ଷ ପୂରଣ କରିଛନ୍ତି। ଫିଲ୍ମ ‘ମେନେ ପ୍ୟାର କିୟା’ ଜରିଆରେ ସେ ବଲିଉଡରେ ଡେବ୍ୟୁ କରିଥିଲେ। ଭାଇଜାନ ନାମରେ ପ୍ରଶଂସକଙ୍କ ମଧ୍ୟରେ ପ୍ରସିଦ୍ଧ ସଲମାନ ଆଜି ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ଦାମୀ ସେଲିବ୍ରିଟିମାନଙ୍କ ମଧ୍ୟରୁ ଅନ୍ୟତମ। ସଲମାନ ୩୦୦୦ କୋଟି ମୂଲ୍ୟର ସମ୍ପତ୍ତିର ମାଲିକ ଅଟନ୍ତି।
ସଲମାନ ତାଙ୍କ ପରିବାର ସହିତ ମୁମ୍ବାଇର ଗାଲାକ୍ସି ଆପାର୍ଟମେଣ୍ଟରେ ରୁହନ୍ତି। ସମୁଦ୍ର ନିକଟରେ ଥିବା ଏହି ତିନି ମହଲା ଆପାର୍ଟମେଣ୍ଟର ମୂଲ୍ୟ ପ୍ରାୟ ୧୦୦ କୋଟି ଟଙ୍କା ବୋଲି କୁହାଯାଉଛି। ଗାଲାକ୍ସି ଆପାର୍ଟମେଣ୍ଟ ସଲମାନ ଖାନଙ୍କ ଏକମାତ୍ର ଘର ନୁହେଁ। ସେ ମହାରାଷ୍ଟ୍ରର ପାନଭେଲରେ ୧୫୦ ଏକରରୁ ଅଧିକ ବିସ୍ତାରିତ ଏକ ଫାର୍ମ ହାଉସର ମାଲିକ ଅଟନ୍ତି। ଏହାର ମୂଲ୍ୟ ପାଖାପାଖି ୮୦ କୋଟି ଟଙ୍କା। ଏହି ଫାର୍ମ ହାଉସରେ ସମସ୍ତ ସୁବିଧା ଉପଲବ୍ଧ ଅଛି ଯେପରିକି ଜିମ, ସୁଇମିଂ ପୁଲ, ବଗିଚା ଅଛି। କେବଳ ଏତିକି ନୁହେଁ, ଦୁବାଇର ବୁର୍ଜ ଖଲିଫା ନିକଟରେ ମଧ୍ୟ ସଲମାନଙ୍କ ଏକ ଫ୍ଲାଟ୍ ଅଛି। ଏହାଛଡା ଦିଲ୍ଲୀ, ନୋଏଡା ଏବଂ ଚଣ୍ଡିଗଡ଼ ଭଳି ସ୍ଥାନରେ ସଲମାନଙ୍କର ମଧ୍ୟ ଅନେକ ଜମି ରହିଛି।
ସଲମାନଙ୍କ ରୋଜଗାରର ମୁଖ୍ୟ ଉତ୍ସ ହେଉଛି ଫିଲ୍ମ। ଗୋଟିଏ ଫିଲ୍ମ ପାଇଁ ପ୍ରାୟ ୬୦ କୋଟି ଟଙ୍କା ନିଅନ୍ତି। ଫିଲ୍ମ ବ୍ୟତୀତ ସଲମାନ ବିଜ୍ଞାପନ, ବ୍ରାଣ୍ଡ ପ୍ରମୋଶନ, ନିବେଶ ଏବଂ ସୋସିଆଲ ମିଡିଆ ମାଧ୍ୟମରେ ମଧ୍ୟ ଭଲ ରୋଜଗାର କରନ୍ତି। ସଲମାନଙ୍କର ନିଜର ବ୍ରାଣ୍ଡ ଅଛି। ସେ ଅନ୍ୟାନ୍ୟ ବ୍ରାଣ୍ଡର ଆମ୍ବାସାଡର ମଧ୍ୟ ଅଛନ୍ତି। ଏଥିପାଇଁ ସେ ୮-୧୦ କୋଟିରୁ ଅଧିକ ଚାର୍ଜ କରନ୍ତି।
ସଲମାନ ବିଳାସପୂର୍ଣ୍ଣ କାରକୁ ଭଲ ପାଆନ୍ତି। ତାଙ୍କର ଅନେକ ଦାମୀ କାର୍ ଅଛି। ସଲମାନଙ୍କ ପାଖରେ ଅଡି, ବେଣ୍ଟଲି, ରୋଲ୍ସ ରୟାଲ ଏବଂ ମର୍ସିଡିଜ ଭଳି ଅନେକ ଦାମୀ କାର ଅଛି।
ସଲମାନ ଖାନଙ୍କ ଆଗାମୀ ଫିଲ୍ମ ‘ଟାଇଗର-୩’ ଏବଂ ‘କଭି ଇଦ କଭି ଦିୱାଲୀ’ ଖୁବ୍ଶୀଘ୍ର ପରଦାକୁ ଆସିବ।