ବବି ଦେଓଲଙ୍କ ଫିଲ୍ମ ‘ଲଭ ହଷ୍ଟେଲ’ ରିଲିଜ ହେବା ଦିନଠାରୁ ତାଙ୍କ ଅଭିନୟ ପାଇଁ ଅନେକ ପ୍ରଶଂସା ମିଳିଛି। ଜି ଫାଇଭ୍ରେ ମୁକ୍ତିଲାଭ କରିଥିବା ଏହି ଫିଲ୍ମ ବବି ଦେଓଲ ଖଳନାୟକ ଭୂମିକାରେ ଅଭିନୟ କରିଛନ୍ତି । ଫିଲ୍ମରେ ବବିଙ୍କ ଅଭିନୟକୁ ଅନେକ ପ୍ରଶଂସା ମିଳିଛି। ଫିଲ୍ମ ଷ୍ଟାରମାନେ ମଧ୍ୟ ତାଙ୍କୁ ବହୁତ ପ୍ରଶଂସା କରିଛନ୍ତି।
ଫିଲ୍ମରେ ବବି ଦେଓଲଙ୍କ ଲୁକ୍ ଓ ଅଭିନୟକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି। ସଲମାନ ଖାନ ମଧ୍ୟ ବବିଙ୍କ ଅଭିନୟ ଦେଖିବା ପରେ ନିଜକୁ ଅଟକାଇ ପାରି ନ ଥିଲେ। ଇନଷ୍ଟାଗ୍ରାମରେ ସଲମାନ ଏକ ପୋଷ୍ଟ ଶେୟାର କରିଛନ୍ତି। ଯେଉଁଥିରେ ସେ ବବି ଦେଓଲଙ୍କ ଫିଲ୍ମ ‘ଲଭ ହଷ୍ଟେଲ’କୁ ପ୍ରଶଂସା କରିଛନ୍ତି। ସଲମାନ ତାଙ୍କ ପୋଷ୍ଟରେ ଲେଖିଛନ୍ତି ଯେ ମୁଁ ‘ଲଭ ହଷ୍ଟେଲ’ରେ ବବିଙ୍କ ଅଭିନୟର ପ୍ରଶଂସା ଶୁଣୁଛି। ବବିଙ୍କ ପାଇଁ ସମସ୍ତ ଶୁଭକାମନା ଏବଂ ମୁଁ ଆଶାକରେ ସେ ଭଲ ପ୍ରଦର୍ଶନ ଜାରି ରଖିବେ ।