ମୁମ୍ବାଇ: ବଲିଉଡ୍ ଭାଇଜାନ୍ ସଲମାନ ଖାଁଙ୍କ ପ୍ରଶଂସକ ବଡ ଉତ୍ସୁକତାର ସହ ତାଙ୍କ ଆଗାମୀ ଫିଲ୍ମକୁ ଅପେକ୍ଷା ରଖିଛନ୍ତି । ସଲମାନଙ୍କ ବହୁ ପ୍ରତିକ୍ଷିତ ଫିଲ୍ମ ରାଧେ: ଇୟୋର ମୋଷ୍ଟ ୱାଣ୍ଟେଡ ଭାଇ ଗତ ମେ’ ମାସ ଅର୍ଥାତ୍ ଇଦ୍ରେ ରିଲିଜ୍ ହେବାର ଯୋଜନା ଥିଲା । ହେଲେ କରୋନା ମହାମାରୀ ପାଇଁ ଏହା ରିଲିଜ୍ ହୋଇପାରି ନାର୍ହି । ଶୁଣିବାକୁ ମିଳିଥିଲା କି ଏହା ଓଟିଟି ପ୍ଲାଟଫର୍ମରେ ରିଲିଜ୍ ହେବ । ହେଲେ ଏବେ ଏହାକୁ ଖଣ୍ଡନ କରିଛନ୍ତି ଫିଲ୍ମ ନିର୍ମାତା । ଫିଲ୍ମ ସମିକ୍ଷକ ତରଣ ଆଦର୍ଶ ଏ ସମ୍ପର୍କରେ ସୂଚନା ଦେଇ ଟୁଇଟ୍ କରିଛନ୍ତି । ସେ କହିଛନ୍ତି ସଲମାନ ଖାଁଙ୍କ ଅଭିନୀତ ଫିଲ୍ମ ରାଧେ: ଇୟୋର ମୋଷ୍ଟ ୱାଣ୍ଟେଡ ଭାଇ ଓଟିଟି ପ୍ଲାଟଫର୍ମରେ ରିଲଜ୍ ହେଉନାହିଁ । ଏହା ଆଗାମୀ ବର୍ଷ ଇଦ୍ରେ ପରଦାକୁ ଆସିବ । ତେଣୁ ଏହା ସଲମାନଙ୍କ ପ୍ରଶଂସକଙ୍କ ପାଇଁ ଏକ ବଡ ଖବର ବୋଲି କୁହାଯାଉଛି ।