କରୋନା ପାଇଁ ଫିଲ୍ମ ଶୁଟିଂ ବନ୍ଦ ରହିଥିବା ବେଳେ ବଲିଉଡ ଅଭିନେତା ସଲମାନ ଖାନ ତାଙ୍କ ପାନଭେଲ ଫାର୍ମ ହାଉସରେ ସମୟ ଅତିବାହିତ କରିଆସୁଛନ୍ତି। ଏହି ସମୟରେ, ସେ ପ୍ରଶଂସକଙ୍କ ପାଇଁ ସୋସିଆଲ ମିଡିଆରେ ଫଟୋ ଏବଂ ଭିଡିଓ ଶେୟାର କରୁଛନ୍ତି। ବିଲରେ ହଳ କରୁଥିବା ଏକ ଭିଡିଓ ସଲମନ ଶେୟାର କରିଛନ୍ତି, ଯେଉଁଥିରେ କଂଗ୍ରେସ ନେତା ସଞ୍ଜୟ ନିରୁପମ ତାଙ୍କ ପ୍ରତିକ୍ରିୟା ରଖିଛନ୍ତି।
ସଲମାନ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏହି ଭିଡିଓ ଶେୟାର କରିଛନ୍ତି। ଏହି ଭିଡିଓରେ ସେ ତାଙ୍କ ଫାର୍ମରେ ଟ୍ରାକ୍ଟର ଚଲାଉଥିବା ନଜର ଆସିଛନ୍ତି। କୃଷକଙ୍କ ପରି ସେ ମଧ୍ୟ ହଳ କରିଛନ୍ତି। ଏହି ଭିଡିଓ ଶେୟାର କରି ସଲମାନ ଲେଖିଛନ୍ତି, ‘ଚାଷ’।
କଂଗ୍ରେସ ନେତା ସଞ୍ଜୟ ନିରୁପମ ସଲମାନଙ୍କ ଏହି ଭିଡିଓ ଉପରେ ନିଜର ପ୍ରତିକ୍ରିୟା ରଖିଛନ୍ତି । ଟୁଇଟରରେ ସଲମାନଙ୍କ ଏହି ଭିଡିଓ ଶେୟାର କରି ସେ ଲେଖଛନ୍ତିି ଯେ, ସଲମନଙ୍କ ଏହି ଭିଡିଓ ଯୁବକମାନଙ୍କୁ ଚାଷ କାର୍ଯ୍ୟ ପାଇଁ ପ୍ରେରଣା ଯୋଗାଇବ।‘ସଲମନ ଖାନ ନିଜ ଖୁସି ପାଇଁ ଏହି ଭିଡିଓ ପ୍ରସ୍ତୁତ କରିଛନ୍ତି, ମାତ୍ର ଏହା ଭାରତର ଯୁବକମାନଙ୍କ ମଧ୍ୟରେ ଚାଷ ପାଇଁ ଏକ ନୂତନ ପ୍ରେରଣା ଯୋଗାଇବ।
ସଲମାନଙ୍କ ପାଇଁ ସଞ୍ଜୟ ନିରୁପମଙ୍କ ଟୁଇଟ୍ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି।