ଲକ୍ଷ୍ନୌ,୧୩ ।୯: ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ସଲମାନ ଖୁର୍ଶିଦ କହିଛନ୍ତି ଉତ୍ତର ପ୍ରଦେଶରେ ନିର୍ବାଚନ ରାଷ୍ଟ୍ରୀୟ ମହାସଚିବ ତଥା ରାଜ୍ୟ ପ୍ରଭାରୀ ପ୍ରିୟଙ୍କା ଗାନ୍ଧୀଙ୍କ ନେତୃତ୍ୱରେ ଲଢିବ କଂଗ୍ରେସ । କଂଗ୍ରେସ କୌଣସି ଦଳ ସହ ମେଣ୍ଟ କରିବ ନାହିଁ । ନିଜ ବଳରେ ନିର୍ବାଚନ ଲଢିବାକୁ ଯାଉଥିବାରୁ ପ୍ରତି ଜିଲା ଗସ୍ତ କରି ଦଳ ସବୁ ସମସ୍ୟା ଉପରେ ଆଲେଚନା କରି ଘୋଷଣାପତ୍ର ଜାରି କରିବ । ଗଣମାଧ୍ୟମକୁ ସୂଚନା ଦେଇ ଖୁର୍ଶିଦ କହିଛନ୍ତି ଠିକ୍ ସମୟରେ ଦଳ ଉତ୍ତର ପ୍ରଦେଶରେ ସକ୍ରିୟ ହୋଇଛି । ତେଣୁ କଂଗ୍ରେସ ଏକାକି ନିର୍ବାଚନ ଲଢିବାରେ କୌଣସି ଅସୁବିଧା ନାହିଁ । ଲୋକଙ୍କ ସହ ଯୋଡି ହେବାର କାମ କରୁଛି କଂଗ୍ରେସ ତେଣୁ ନିର୍ବାଚନରେ ବିଜୟ ଲାଭ କରିବା ଦଳର ଲକ୍ଷ୍ୟ ରହିବ ।
