ମୁମ୍ବାଇ,୨୫।୯ : ଆଗାମୀ ଚଳଚ୍ଚିତ୍ର ଟାଇଗର ବନାମ ପଠାନରେ ମୁଖ୍ୟ ଅଭିନେତା ଭାବରେ ଶାହରୁଖ ଖାନ ଏବଂ ସଲମାନ ଖାନ ପୁଣି ପରଦାରେ ଏକାଠି ହେବାକୁ ପ୍ରସ୍ତୁତ ହେଉଛନ୍ତି। କିନ୍ତୁ ଏହାପୂର୍ବରୁ ଦୁହେଁ ପ୍ରଭୁ ଗଣେଶଙ୍କ ଆଶୀର୍ବାଦ ପାଇବା ପାଇଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଘରେ ପହଞ୍ଚିଛନ୍ତି। ସେମାନେ ସିଏମଙ୍କ ସହିତ ଫଟୋଗ୍ରାଫ ପାଇଁ ମଧ୍ୟ ପୋଜ ଦେଇଥିଲେ। ଏହି ସମୟରେ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନ୍ୟାନ୍ୟ ସେଲିବ୍ରିଟି ଗଣପତି ଦର୍ଶନ ପାଇଁ ମୁଖ୍ୟମନ୍ତ୍ରୀଙ୍କ ବାସଭବନରେ ପହଞ୍ଚିଥିଲେ।
ଶାହାରୁଖ ଖାନ ନୀଳ କୁର୍ତ୍ତା ଏବଂ ଧଳା ପୃଥାନୀ ସାଲୱାରରେ ଥିବାବେଳେ ସଲମାନଙ୍କୁ ମେରୁନ କୁର୍ତ୍ତା ଏବଂ କଳା ପାଇଜାମାରେ ଦେଖିବାକୁ ମିଳିଥିଲା। କାନ୍ଧରେ ହଳଦିଆ ଷ୍ଟଲ ଝୁଲୁଥିଲା, ଯାହା ତାଙ୍କୁ ସିଏମଙ୍କ ଘରେ ଦିଆଯାଇଥିଲା। ସଲମାନଙ୍କ ସହ ତାଙ୍କ ଭଉଣୀ ଅପ୍ରିତା ଖାନ ଏବଂ ଭିଣୋଇ ଆୟୁଷ ଶର୍ମା ମଧ୍ୟ ଥିଲେ। ଗଣପତି ଦର୍ଶନ ପାଇଁ ଏକନାଥ ଶିନ୍ଦେଙ୍କ ଘରେ ଉପସ୍ଥିତ ଥିବା ଅନ୍ୟମାନଙ୍କ ମଧ୍ୟରେ ଜ୍ୟାକି ଶ୍ରଫ, ଅର୍ଜୁନ ରାମପାଲ, ଆଶା ଭୋସଲେ, ବୋନି କପୁର ଏବଂ ରଶ୍ମି ଦେଶାଇ ଥିଲେ।
ସାରେ ଶାହାରୁଖ ଗଣପତି ଦର୍ଶନ ପାଇଁ ଟି-ସିରିଜ କାର୍ଯ୍ୟାଳୟକୁ ଯାଇଥିଲେ। ତାଙ୍କ ମ୍ୟାନେଜର ପୂଜା ଦାଦଲାନି ମଧ୍ୟ ତାଙ୍କ ସହ ଉପସ୍ଥିତ ଥିଲେ। ସେ ଅଫିସରେ ଆରତୀ ମଧ୍ୟ କରିଥିଲେ।
