ମୁମ୍ବାଇ : ସଲମାନ ଖାନଙ୍କ ଫିଲ୍ମ ଟାଇଗର -୩ ସମ୍ପ୍ରତି ହେଡଲାଇନରେ ଅଛି। ଫିଲ୍ମର ଟିଜର ରିଲିଜ ହୋଇଛି। ଏହି ଟିଜର ରିଲିଜ ହେବା ମାତ୍ରେ ସୋସିଆଲ ମିଡ଼ିଆରେ ଭାଇରାଲ ହେବା ଆରମ୍ଭ କରିଛି। ଟାଇଗର-୩ର ସୋସିଆଲ ମିଡିଆ ପ୍ଲାଟଫର୍ମ ‘ଟାଇଗର କା ମେସେଜ’ ନାମକ ଏକ ପ୍ରମୋଶନାଲ ଭିଡିଓ ଜାରି କରିଛି।
୨୦ ବର୍ଷ ସେବା ପରେ ଦେଶରେ ସେ ଦେଶଦ୍ରୋହୀ ଘୋଷିତ ହୋଇଛନ୍ତି। ଯିଏ ନିଜ ଦେଶ ତଥା ପରିବାର ଉପରେ ଲାଗିଥିବା କଳଙ୍କ ହଟାଇବା ଏବଂ ତାଙ୍କ ପୁଅ ଆଖିରେ ହିରୋ ହେବା ପାଇଁ ଏକ ବିପଜ୍ଜନକ ମିଶନ ଆରମ୍ଭ କରିଛନ୍ତି।
ଭିଡିଓରେ ସଲମାନ ଖାନଙ୍କୁ ଶକ୍ତିଶାଳୀ ଏବଂ ଗମ୍ଭୀର ରୂପରେ ଦର୍ଶାଯାଇଛି, ଯାହା ପ୍ରଶଂସକଙ୍କୁ ପ୍ରଭାବିତ କରିଛି। ସଲମାନ ଟିଜରରେ କହୁଛନ୍ତି, ‘ ମେରେ ବେଟେ କୋ ମେଁ ନେହିଁ ଇଣ୍ଡିଆ ବୋଲେଗା ଉସକା ବାପ କ୍ୟା ଥା,ଗଦ୍ଦାର ୟା ଦେଶଭକ୍ତ’। ଯଦି ଜୀବିତ ରହିବି ତେବେ ଫେରି ଆସିବି, ନଚେତ ଜୟ ହିନ୍ଦ ।
ଟାଇଗର-୩ ଏହି ଟିଜରକୁ ଟାଇଗରଙ୍କ ବାର୍ତ୍ତା ଭାବରେ ବର୍ଣ୍ଣନା କରାଯାଉଛି। ସଲମାନ ଖାନ ଏହି ଭିଡିଓକୁ ନିଜ ଇନଷ୍ଟାଗ୍ରାମରେ ଶେୟାର କରି ଲେଖିଛନ୍ତି, ‘ଜବତକ ଟାଇଗର ମାରା ନେହିଁ,ତବତକ ଟାଇଗର ହାରା ନେହିଁ’।
ଦୀପାବଳି ଅବସରରେ ଟାଇଗର-୩ର ଶୁଭମୁକ୍ତି ହେଉଛି। ଏହା ହିନ୍ଦୀ, ତେଲୁଗୁ ଏବଂ ତାମିଲରେ ଦେଖିବାକୁ ମିଳିବ।
ଏହି ଆକ୍ସନ-ପ୍ୟାକ ଥ୍ରୀଲର୍ରେ ଇମ୍ରାନ ହାଶମୀ ଏବଂ କ୍ୟାଟ୍ରିନା କୈଫ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି ଏବଂ ମନୀଷ ଶର୍ମା ଏହାର ନିର୍ଦ୍ଦେଶନା ଦେଇଛନ୍ତି। ୟଶ ରାଜ ଫିଲ୍ମସ ବ୍ୟାନରରେ ଆଦିତ୍ୟ ଚୋପ୍ରାଙ୍କ ଦ୍ୱାରା ନିର୍ମିତ ପୂର୍ବ ପୋଷ୍ଟର ଅନୁଯାୟୀ ଏହି ଚଳଚ୍ଚିତ୍ର ଗୁପ୍ତଚର ବ୍ରହ୍ମାଣ୍ଡର ଅନ୍ୟ ଫିଲ୍ମ ଓ୍ବାର ଏବଂ ପଠାନ ଘଟଣାକୁ ଅନୁସରଣ କରିଛି। ୧୦ ନଭେମ୍ବରରେ ଏହା ରିଲିଜ ହେବାର ଆଶା ରହିଛି।