ମୁମ୍ବାଇ: ସୁପରଷ୍ଟାର ସଲମାନ୍ ଖାନ ଏପର୍ଯ୍ୟନ୍ତ ବିବାହ କରିନାହାନ୍ତି, କିନ୍ତୁ ତାଙ୍କ ପ୍ରେମ କାହାଣୀ ସବୁବେଳେ ଚର୍ଚ୍ଚାରେ ରହିଥାଏ। ସଲମାନ୍ଙ୍କ ବହୁ ଗର୍ଲଫ୍ରେଣ୍ଡ ଥିଲେ। ସେଥିମଧ୍ୟରୁ ସୋମି ଅଲ୍ଲୀ ଜଣେ। ସଲମାନ ଏବଂ ସୋମିଙ୍କ ସମ୍ପର୍କ ବିଷୟରେ ପ୍ରାୟ ସମସ୍ତେ ଜାଣନ୍ତି। ସୋମି ଏକ ସାକ୍ଷାତକାରରେ କହିଛନ୍ତି, ସଲମାନଙ୍କ ଫିଲ୍ମ ଦେଖିବା ପରେ ହିଁ ସେ ଭାରତ ଆସିଥିଲେ।
ସଲମାନଙ୍କ ସହ ଜଡ଼ିତ ପ୍ରତ୍ୟେକ ଖବର ପ୍ରକାଶ କରୁଥିବା କମଲ ଆର୍ ଖାନ (କେଆର୍କେ) ବର୍ତ୍ତମାନ ଏକ ଭିଡିଓ କ୍ଲିପ୍ ଶେୟାର କରିଛନ୍ତି। ଏଥିରେ ସୋମି ତାଙ୍କ ସମ୍ପର୍କ ବିଷୟରେ କହୁଥିବା ଦେଖିବାକୁ ମିଳିଛି। ଭିଡିଓରେ ସୋମି କହୁଛନ୍ତି, ସେ ସଲ୍ମାନଙ୍କ ପାଇଁ ଘର ଛାଡ଼ି ଭାରତକୁ ଆସିଥିଲେ। ପରେ ତାଙ୍କ ସହ ଅନେକ କିଛି ଘଟିଥିଲା।
ସଲମାନଙ୍କ ପୂର୍ବତନ ଗର୍ଲଫ୍ରେଣ୍ଡ ହେଉଛନ୍ତି ସୋମି। ତାଙ୍କର ଏକ ଭିଡିଓ କ୍ଲିପ୍ ଶେୟାର କରିଛନ୍ତି କେଆର୍କେ। ଏଥିରେ କ୍ୟାପଶନ ଲେଖାଯାଇଛି, ସୋମି ଏଠାରେ କାହା ଉପରେ ଅଭିଯୋଗ କରୁଛନ୍ତି? କିଏ ତାଙ୍କୁ ପିଟୁଥିଲେ? କେହି ମୋତେ କହିପାରିବେ କି? ଏଥିରେ ସୋମି କହୁଛନ୍ତି, ମୁଁ ବଲିଉଡ୍ର ଷ୍ଟାର୍ ଥିଲି। ମୁଁ ବହୁତ ବଡ଼ ଷ୍ଟାରଙ୍କୁ ଡେଟ୍ କରୁଥିଲି, ସେ ଭାରତର ବ୍ରାଡ୍ ପିଟ୍ ପରିଥିଲେ। ମୁଁ ତାଙ୍କୁ ଖୋଜିବା ଏବଂ ବିବାହ କରିବା ପାଇଁ ୧୬ ବର୍ଷ ବୟସରେ ଭାରତ ଆସିଥିଲି।
ସୋମି ଆହୁରି କହିଛନ୍ତି, ସଲମାନ ମୋତେ କୁହନ୍ତି, ତୁମେ କାହିଁକି ପଡ଼ୋଶୀଙ୍କୁ ମାରନନି। ମୁଁ ତୁମକୁ ପିଟୁଛି କାରଣ ମୁଁ ତୁମକୁ ଭଲ ପାଏ। ତୁମର ଯତ୍ନ ନେଉଛି। ମୁଁ ଚାହେଁ ତୁମେ ବି ଏପରି କାମ କରିବ। ମୁଁ ସେତେବେଳେ ଜଣେ ଶିଶୁ ଥିଲି। ତେଣୁ ଭାବିଲି ଠିକ୍ ଅଛି। କାରଣ ହେଉଛି ମୋର ଲାଳନପାଳନ। ଯେଉଁଥିପାଇଁ ସଲମାନ ମାରିଲେ ବି ମୁଁ ସହି ଯାଉଥିଲି। ଭିଡିଓ ଭାଇରାଲ ପରେ ଅନେକ ୟୁଜର ଭିନ୍ନ ଭିନ୍ନ ମତ ରଖିଛନ୍ତି।
