ମୁମ୍ବାଇ: ବଲିଉଡ୍ ଭାଇଜାନ୍ ସଲମାନ ଖାନ୍ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଟାଇଗର-୩’ ପାଇଁ ଦର୍ଶକମାନେ ଅପେକ୍ଷା କରି ବସିଛନ୍ତି। ତେବେ ଏହି ସିନେମା ଚଳିତବର୍ଷ ଦୀପାବଳିରେ ମୁକ୍ତିଲାଭ କରିବ ବୋଲି ଜଣାପଡ଼ିଛି। ଏଥିସହ ଏହି ମୁଭିର ପ୍ରଥମ ପୋଷ୍ଟର ସାମ୍ନାକୁ ଆସିଛି। ଏନେଇ ଅଭିନେତା ସଲମାନ ତାଙ୍କ ଇନ୍ଷ୍ଟାଗ୍ରାମ୍ ପୋଷ୍ଟ ମାଧ୍ୟମରେ ଶେୟାର କରିଛନ୍ତି। ଆଉ କ୍ୟାପ୍ଶନରେ ଲେଖିଛନ୍ତି, ମୁଁ ଆସୁଛି। ମନୀଷ୍ ଶର୍ମାଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ୍ ହେବ। ଆସନ୍ତା ନଭେମ୍ବର ୧୦ ଫିଲ୍ମର ରିଲିଜ୍ ତାରିଖ ଥିବାବେଳେ ଏହାକୁ ଦର୍ଶକେ ଉତ୍ସାହର ସହ ଅପେକ୍ଷା କରିଛନ୍ତି। ଏହାର ପ୍ରଥମ ଭାଗ ‘ଏକ୍ ଥା ଟାଇଗର’ ୨୦୧୨ରେ, ଦ୍ୱିତୀୟ ଭାଗ ‘ଟାଇଗର ଜିନ୍ଦା ହେ’ ୨୦୧୭ରେ ରିଲିଜ୍ ହୋଇଥିଲା। ଏଥିରେ ସଲମାନଙ୍କ ସହିତ ଶାହରୁଖ ଖାନ୍ଙ୍କୁ ମଧ୍ୟ ଦେଖିବାକୁ ମିଳିବ। ଏହା ବ୍ୟତୀତ ଚଳଚ୍ଚିତ୍ରରେ କ୍ୟାଟ୍ରିନା କୈଫ, ଇମ୍ରାନ୍ ହାସ୍ମି, ରିଦ୍ଧି ଦୋର୍ଗା, ବିଶାଳ ଜେଠ୍ୱା, ଅଭିନୟ ରାଜ ସିଂ ଭିନ୍ନ ଭିନ୍ନ ଭୂମିକାରେ ନଜରକୁ ଆସିବେ।