ଲକ୍ଷ୍ନୌ,୧୭ ।୧୦: ସମାଜବାଦୀ ପାର୍ଟି ସଂସ୍ଥାପକ ମୁଲାୟମ ସିଂ ଯାଦବଙ୍କ ମୃତ୍ୟୁ ପରେ ଚର୍ଚ୍ଚାରେ ରହୁଛି ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ଟୁଇଟ । ଅଖିଳେଶ ରବିବାର ବିଳମ୍ବିତ ରାତିରେ ମଧ୍ୟ ଏକ ଟୁଇଟ୍ କରିଛନ୍ତି ଯାହା ଏବେ ଚର୍ଚ୍ଚାକୁ ଆସିଛି । ମୁଲାୟମଙ୍କ ଅନ୍ତିମ ସଂସ୍କାର ପରେ ଅଖିଳେଶଙ୍କର ଏହା ତୃତୀୟ ଟୁଇଟ । ଏଥିରେ ସେ ୩ଟି ଫଟୋ ଶେୟାର କରିଛନ୍ତି ।
ଏଥିରେ ଥିବା ଫଟୋରେ ସୈଫଇରେ ବରିଷ୍ଠ ନାଗରିକଙ୍କ ସହ ମୁଲାୟମ ବସିଥିବା ନଜର ଆସିଛି । ଏହାସହ ସେ ଜଣେ ବ୍ୟକ୍ତିଙ୍କ ଅଭିବାଦନ ସ୍ୱୀକାର କରୁଛନ୍ତି । ଆଉ ଏକ ଫଟୋରେ ଜଣେ ବୃଦ୍ଧ ବ୍ୟକ୍ତି ମୁଲାୟମଙ୍କ ଫଟୋରେ ଶ୍ରଦ୍ଧାଞ୍ଜଳ ଦେଉଥିବା ଦେଖାଯାଇଛି । ଆଉ ତୃତୀୟ ଫଟୋରେ ଅଖିଳେଶ କେତେ ଲୋକଙ୍କ ମଧ୍ୟରେ ଦେଖାଯାଉଛନ୍ତି । ଏହି ଫଟୋରେ ଅଖିଳେଶଙ୍କ ସହ କେତେଜଣ ସର୍ଦ୍ଦାର ବି ଦେଖାଯାଉଛନ୍ତି । ଏସବୁ ଫଟୋକୁ ଟୁଇଟ କରି ଅଖିଳେଶ ଲେଖିଛନ୍ତି ‘ସୈଫଇ’ ।
ନେତାଜୀଙ୍କ ଅନ୍ତିମ ସଂସ୍କାର ପରେ ବି ଅଖିଳେଶ ଦୁଇଟି ଫଟୋ ଶେୟାର କରିଥିଲେ । ଏହା ତାଙ୍କର ଦ୍ୱିତୀୟ ଟୁଇଟ ଥିଲା । ସେଥର ଯେଉଁ ଫଟୋ ଶେୟାର କରିଥିଲେ ସେଥିରେ ମୁଲାୟମଙ୍କ ଅନ୍ତିମ ସଂସ୍କାର ପରେ ସେ ଅସ୍ଥି ସଂଗ୍ରହ କରୁଥିବା ଦେଖାଯାଇଥିଲା । ଏହି ଫଟୋ ଶେୟାର କରି ଅଖିଳେଶ ଲେଖିଥିଲେ ‘ସୈଫଇ’ ।