ଲକ୍ଷ୍ନୌ,୧୭।୩: ଉତ୍ତରପ୍ରଦେଶରେ ବିଧାନ ପରିଷଦ ନିର୍ବାଚନ ପାଖେଇ ଆସୁଛି। ବିଧାନସଭା ନିର୍ବାଚନରେ ପରାଜୟର ସମ୍ମୁଖୀନ ହେବା ପରେ ସମାଜବାଦୀ ପାର୍ଟି(ଏସ୍ପି) ଏବେ ବିଧାନ ପରିଷଦ ପାଇଁ ଅଣ୍ଟା ଭିଡିଛି। ପୂର୍ବରୁ ବିଧାନ ପରିଷଦ ପାଇଁ ପ୍ରାର୍ଥୀଙ୍କ ତାଲିକା ଜାରି କରିଥିବା ବେଳେ ଏବେ ଆଉ କିଛି ପ୍ରାର୍ଥୀଙ୍କ ନାମ ଘୋଷଣା କରିଛି ଏସ୍ପି। ଇତିମଧ୍ୟରେ ଦଳ ପକ୍ଷରୁ ଦେବରିଆରୁ କଫିଲ ଖାନ, ବଲିଆରୁ ଅରବିନ୍ଦ, ଗାଜିପୁରରୁ ଭୋଳାନାଥ, ସୀତାପୁରରୁ ଅରୁଣେଶ କୁମାର, ଗୋଣ୍ଡାରୁ ଭାନୁ କୁମାରଙ୍କୁ ପ୍ରାର୍ଥୀ କରାଯାଇଛି। ସୂଚନାଯୋଗ୍ୟ, ଉତ୍ତରପ୍ରଦେଶରେ ବିଧାନ ପରିଷଦରେ ମୋଟ ୧୦୦ଟି ଆସନ ରହିଛି। ୧୦୦ରୁ ୩୬ଟି ଆସନ ସ୍ଥାନୀୟ ସଂସ୍ଥା ଦ୍ୱାରା ନିର୍ବାଚିତ ହୋଇଥାନ୍ତି। ଅନ୍ୟପଟେ ବର୍ତ୍ତମାନ ଏସ୍ପି ନିକଟରେ ୪୮ଟି ଆସନ ବିଶିଷ୍ଟ ବିଧାନ ପରିଷଦରେ ସଂଖ୍ୟାଗରିଷ୍ଠତା ରହିଛି। କିନ୍ତୁ ଏବେ ତାଙ୍କର ୮ଜଣ କର୍ମକର୍ତ୍ତା ଭାଜପାରେ ଯୋଗଦେଇଛନ୍ତି। ସେହିପରି ଜଣେ ବିଏସ୍ପି ନେତା ମଧ୍ୟ ଭାଜପାରେ ସାମିଲ ହୋଇଥିବା ଜଣାପଡ଼ିଛି।