ଲକ୍ଷ୍ନୌ,୫ ।୧୨: ଉତ୍ତର ପ୍ରଦେଶର ରାମପୁର ସଦର, ଖତୌଲି ଓ ମେନପୁରୀ ଲୋକ ସଭା ଆସନରେ ସୋମବାର ହେଉଥିବା ନିର୍ବାଚନରେ ଗଡବଡ ହୋଇଥିବା ଅଭିଯୋଗ କରିଛି ସମାଜବାଦୀ ପାର୍ଟି । ଏପରି ଅଭିଯୋଗ ଦଳ ଭାରତୀୟ ଜନତା ପାର୍ଟି(ଭାଜପା) ଉପରେ ଆଣିଛି । ସମାଜବାଦୀ ପାର୍ଟି କହିଛି ତା’ର କର୍ମୀଙ୍କୁ ବୁଥରୁ ବାହାରକୁ ବାହାର କରି ଦିଆଯାଉଛି । ଏହାସହ ମତଦାନ ହାର କମ କରିବାକୁ ଅନେକଙ୍କୁ ଭୋଟ ଦେବାକୁ ବାରଣ କରାଯାଉଛି । ଏହାସହ କିଛି ଅଞ୍ଚଳରେ ଇଭିଏମ ଖରାପ ହୋଇଥିବା ବି ଅଭିଯୋଗ କରିଛି ସମାଜବାଦୀ ପାର୍ଟି । ଦଳ ଅଭିଯୋଗ କରିଛି ଯେ କରହଲର ବଲପୁରା ଗାଁରେ ଗୋଟିଏ ଭୋଟ ଗ୍ରହଣ କେନ୍ଦ୍ରରେ ମୁସଲମାନ ଭୋଟରଙ୍କ ଆଇଡି କାର୍ଡ ଦେଖି ସେମାନଙ୍କୁ ଭୋଟ ଦେବାକୁ ଭାଜପା ଏଜେଣ୍ଟ ପକ୍ଷରୁ ବାରଣ କରାଯାଉଛି ।
ହେଲେ ଏବେ ମତଦାନ ଚାଲିଛି । ଏପଟେ ସମାଜବାଦୀ ପାର୍ଟି ଏକ ଟୁଇଟରେ ଲେଖିଛି ମତନଦାନ ଡ୍ୟୁଟିରେ ଥିବା ପୋଲିସ କର୍ମୀଙ୍କ ଉପରେ ପକ୍ଷପାତିତାର ଅଭିଯୋଗ ଆଣିଛି ।