ମୁମ୍ବାଇ: ସାଉଥ୍ ଇଣ୍ଡଷ୍ଟ୍ରିରେ ଜଣେ ଫେମସ ଅଭିନେତ୍ରୀ ଭାବେ ସାମନ୍ଥା ରୁଥ୍ ପ୍ରଭୁ ବେଶ୍ ଜଣାଶୁଣା। ସେ ତାଙ୍କ ଫିଲ୍ମ କ୍ୟାରିୟର ମଧ୍ୟରେ ବହୁ ବ୍ଲକବୁଷ୍ଟର ମୁଭି ଦର୍ଶକଙ୍କୁ ଭେଟି ଦେଇଛନ୍ତି। ନିକଟରେ ସେ ସ୍ବାମୀ ସାଉଥ୍ ଅଭିନେତା ନାଗା ଚୈତନ୍ୟଙ୍କ ସହ ଛାଡ଼ପତ୍ର ନେଇଥିବା ଖବରକୁ ନେଇ ବେଶ୍ ଚର୍ଚ୍ଚାକୁ ଆସିଥିଲେ। ବର୍ତ୍ତମାନ ସମୟରେ ମଙ୍ଗଳବାର ସେ ହାଇଦ୍ରାବାଦର ଜୟାଭେରି ଅରେଞ୍ଜ କଣ୍ଟ୍ରି ଅଞ୍ଚଳରେ ଏକ ୩ ବିଏଚ୍କେ ଡୁପ୍ଲେକ୍ସ ଆପାର୍ଟମେଣ୍ଟ କିଣି ଚର୍ଚ୍ଚାକୁ ଆସିଛନ୍ତି, ଯାହାର ମୂଲ୍ୟ ୭.୮ କୋଟି ଟଙ୍କା। ରିୟଲ ଇଷ୍ଟେଟ ଡାଟା ଅନୁସାରେ, ସେଠାରେ ସିଆର୍ଇ ମାଟ୍ରିକ୍ସ ସହ ୬ ପାର୍କିଂ ସ୍ଲଟ୍ ରହିଛି। ସେହି ଘରଟି ୭୯୪୪ ବର୍ଗଫୁଟ ଅଞ୍ଚଳରେ ଅବସ୍ଥିତ। ଏଥିସହ ଜୁବିଲି ହିଲ୍ରେ ଥିବା ଲେଭିସ୍ ହାଉସର ସେ ହେଉଛନ୍ତି ମାଲିକାଣି। ଯେଉଁଠାରେ ସେ ନାଗାଙ୍କ ସହିତ ରହୁଥିଲେ। ବିବାହ ବିଚ୍ଛେଦ ପରେ ଦୁହେଁ ଅଲଗା ରହିବାକୁ ଲାଗିଲେ। ଏହା ପୂର୍ବରୁ ସାମନ୍ଥାଙ୍କ ହାଇଦ୍ରାବାଦରେ ଅନ୍ୟ ଏକ ଘର ରହିଛି, ଯାହାକୁ ସେ ୧୫ କୋଟି ଟଙ୍କାରେ କିଣିଥିଲେ। ଏଥିସହ ତାଙ୍କ ପାଖରେ ବିଏମ୍ଡବ୍ଲ୍ୟୁ ୭ ସିରିଜ୍, ଲ୍ୟାଣ୍ଡ ରୋଭର, ରେଞ୍ଜ ରୋଭର, ଭୋଗ ଭଳି ଦାମୀ କାର୍ ରହିଛି।