ମୁମ୍ବାଇ: ଅଭିନେତ୍ରୀ ସାମନ୍ଥା ରୁଥ ପ୍ରଭୁ ସବୁବେଳେ ତାଙ୍କ ଫିଲ୍ମ ଜରିଆରେ ଚର୍ଚ୍ଚାକୁ ଆସିଥାଆନ୍ତି । ସବୁବେଳେ ସାମନ୍ଥା ତାଙ୍କ ଆକ୍ଟିଂ ଜରିଆରେ ଦର୍ଶକଙ୍କ ହୃଦୟ ଜିତିଥାଆନ୍ତି । ଏବେ ଅଭିନେତ୍ରୀ ତାଙ୍କ ଅଗାମୀ ଫିଲ୍ମ ‘ୟଶୋଦା’ର ରିଲିଜକୁ ନେଇ ବ୍ୟସ୍ତ ଅଛନ୍ତି । ଏହାସହ ଅଭିନେତ୍ରୀ ସାମନ୍ଥା ୧୧ ନଭେମ୍ବରରେ ଫିଲ୍ମର ରିଲିଜ୍ ପୂର୍ବରୁ ଖୁବ୍ ନର୍ଭସ ଅଛନ୍ତି, ଯାହା ତାଙ୍କ ସୋସିଆଲ ମିଡିଆ ପୋଷ୍ଟରୁ ସ୍ପଷ୍ଟ ହୋଇଛି । ସୂଚନାଯୋଗ୍ୟ, ‘ୟଶୋଦା’ରେ ସାମନ୍ଥା ଏକ ସରୋଗେଟ ମଦର ଭୂମିକାରେ ନଜର ଆସିଛନ୍ତି । ଫିଲ୍ମଟି ଭଲ ବ୍ୟବସାୟ କରିବ ବୋଲି ସମସ୍ତେ ଆଶା ରଖିଛନ୍ତି । ହେଲେ ସବୁଠାରୁ ବଡ କଥା ହେଲା ଫିଲ୍ମ ରିଲିଜ୍ ହେବା ପୂର୍ବରୁ ପ୍ରାୟ ୫୫ କୋଟି ଟଙ୍କା ବ୍ୟବସାୟର ମଜା ନେଲାଣି ।
ଫିଲ୍ମ ଟ୍ରେଡ ଏକ୍ସପର୍ଟ ରମେଶ ୱାଲାଙ୍କ ସୂଚନା ମୁତାବକ ଫିଲ୍ମ ୫୫ କୋଟି ଟଙ୍କା ବ୍ୟବସାୟ କଲାଣି । ରମେଶ ୱାଲା ତାଙ୍କ ଟୁଇଟର ହ୍ୟାଣ୍ଡେଲରେ ଶେୟାର କରିଛନ୍ତି କି ୟଶୋଦା ରିଲିଜ୍ ପୂର୍ବରୁ ୫୫ କୋଟି ଟଙ୍କା ବ୍ୟବସାୟ କରିଛି । ସେ ଲେଖିଛନ୍ତି ଆଟଦରେଟ ସାମନ୍ଥାପ୍ରଭୁ୨ ଙ୍କ ନିକଟରେ ତାଙ୍କ ଶୁକ୍ରବାର ରିଲିଜ୍ ହାସଟ୍ୟାଗ ୟଶୋଦା ପାଇଁ ବହୁତ ବଡ ପ୍ରି ରିଲିଜ ବିଜନେସ ରହିଛି । ଡିଜିଟାଲ ୨୪ କୋଟି, ସାଟେଲାଇଟ ୧୩ କୋଟି, ହିନ୍ଦୀ ୩.୫ କୋଟି, ଓଭରସିଜ ୨.୫କୋଟି, ଥିଏଟ୍ରିକଲ ୧୨ ମୋଟି, ୫୫ କୋଟିରୁ ଅଧିକ । ସାମନ୍ଥାଙ୍କ ହିରୋଇନ ସେଣ୍ଟ୍ରିକ ଫିଲ୍ମ ମାର୍କେଟ ।
ଇତିମଧ୍ୟରେ ଫିଲ୍ମ ରିଲିଜର ଗୋଟିଏ ଦିନ ପୂର୍ବରୁ ସାମନ୍ଥା ଏକ ଫଟୋ ଶେୟାର କରି ଫିଲ୍ମକୁ ନେଇ ସେ ଏକ୍ସାଇଟେଡ ଥିବା ସହ ଭୟଭିତ ଅଛନ୍ତି ବୋଲି ଲେଖିଛନ୍ତି । ଫଟୋରେ ସେ ହାତର ସବୁ ଆଙ୍ଗୁଠି ଗୁଡିକ କ୍ରସ କରିଥିବା ଦେଖାଯାଇଛି । ଏହାସହ ସେ ଲେଖିଛନ୍ତି ୟଶୋଦା ପକ୍ଷରୁ ଆପଣ ସମସ୍ତଙ୍କୁ ଶୁଭକାମନା । ମୋର ନିର୍ଦ୍ଦେଶକ, ନିର୍ମାତା, କଳାକାର ଓ ପୂରା କ୍ରିୟୁଙ୍କୁ ଶୁଭକାମନା । କାରଣ ଏମାନେ ବି ମୋଭଳି ଆପଣଙ୍କ ନିଷ୍ପତ୍ତିକୁ ଅପେକ୍ଷା ରଖିଛନ୍ତି । ସମସ୍ତ ଆଙ୍ଗୁଠି କ୍ରସ ଅଛି । ଯଦି ଫିଲ୍ମ ରିଲିଜ୍ ପୂର୍ବରୁ ଏତିକି ବ୍ୟବସାୟ କରିଛି ତେବେ ରିଲିଜ୍ ପରେ ଏହା କେତେ ବ୍ୟବସାୟ କରୁଛି ତାହା କେବଳ ଦେଖିବା କଥା ।
