ମୁମ୍ବାଇ: ସାଉଥ୍ର ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ବ୍ୟକ୍ତଗତ ଏବଂ ବୃତ୍ତିଗତ ଜୀବନକୁ ନେଇ ଚର୍ଚ୍ଚାରେ ରହୁନ୍ତି। ନିକଟରେ ଅଭିନେତା ନାଗା ଚୈତନ୍ୟଙ୍କଠାରୁ ଅଲଗା ହେବ ଘଟଣା ତାଙ୍କ ଫ୍ୟାନ୍ସ ଫଲୋର୍ସଙ୍କୁ ଆଶ୍ଚର୍ଯ୍ୟ କରିଥିଲା। ଇତି ମଧ୍ୟରେ ସାମନ୍ଥା ଅକ୍ଷୟ କୁମାରଙ୍କ ସହ ‘କଫି ୱିଥ୍ କରଣ’ର ତୃତୀୟ ଏପିସୋଡରେ ନଜର ଆସିଥିଲେ। ଏହି ସମୟରେ ଅଭିନେତ୍ରୀ ତାଙ୍କ ବ୍ୟକ୍ତିଗତ ଜୀବନ ବିଷୟରେ କିଛି ଖୁଲାସା କରିଥିଲେ।
କରଣ ପଚାରିଥିଲେ କି ତୁମ ମାମଲାରେ, ମୁଁ ଭାବୁଛି କି ତୁମେ ପ୍ରଥମ ଥର ତୁମେ ଏବଂ ତୁମ ସ୍ବାମୀ ଅଲଗା ହେବାକୁ ନିଷ୍ପତ୍ତି ନେଇଥିଲ। ସେହି ସମୟରେ ବହୁତ ଟ୍ରୋଲିର ଶିକାର ମଧ୍ୟ ହୋଇଛ। ଏହାକୁ ନେଇ ଅଭିନେତ୍ରୀ କହିଛନ୍ତି- ହଁ, ମୁଁ ଏଥିରେ ଅଭିଯୋଗ କରିପାରିବି ନାହିଁ କାରଣ ମୁଁ ନିଜ ପାଇଁ ଯୋଉଟା ଠିକ୍ ସେହି ରାସ୍ତା ବାଛିଥିଲି । ଅଲଗା ହେବା ପରେବି, ମୁଁ ଅଧିକ ବିବ୍ରତ ହୋଇନି, ମୋତେ କେହି ହଇରାଣ କରିନାହାନ୍ତି। ହଁ ଏହା ମୋ ପାଇଁ ସାମାନ୍ୟ କଷ୍ଟ ହୋଇଛି, କିନ୍ତୁ ବର୍ତ୍ତମାନ ଏହା ମୋ ପାଇଁ ଭଲ। ଏବେ ମୁଁ ଅଧିକ ଶକ୍ତିଶାଳୀ ହୋଇପାରିଛି । ଯେତେବେଳେ କରଣ ତାଙ୍କୁ ପଚାରିଲେ, ତୁମର ତାଙ୍କ ପ୍ରତି ହାର୍ଡ ଫିଲିଙ୍ଗସ୍ ଅଛି କି? ସାମନ୍ତ ଉତ୍ତର କାହିଥିଲେ କି ହଁ , ଯଦି ବର୍ତ୍ତମାନ ସମୟ ଅନୁସାରେ ସମ୍ପର୍କ ଭଲ ନାହିଁ ହେଲେ ଭବିଷ୍ୟତରେ ହୋଇପାରେ ବୋଲି ସାମନ୍ଥା କହିଛନ୍ତି।
