ମୁମ୍ବାଇ: ପୁଷ୍ପା ଫିଲ୍ମର ଗୀତରେ ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ଏବଂ ଅଭିନେତା ପ୍ରଭାସ ‘ଓ୍ବ ଓ୍ବ ଅଣ୍ଟାଓ୍ବା’ ଗୀତରେ ଡ୍ୟାନ୍ସ କରୁଥିଲେ। ଯାହାକୁ ଲୋକେ ଖୁବ୍ ପସନ୍ଦ କରିଥିଲେ। ଏହି ଦୁଇ ଅଭିନେତ୍ରୀ ଅଭିନେତାଙ୍କ ବ୍ୟତୀତ ଅଲୁ ଅର୍ଜୁନ ବି ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି ଗୀତ ପାଇଁ ସାମନ୍ଥା ଏବଂ ପ୍ରଭାସଙ୍କୁ କୋଟି କୋଟି ଟଙ୍କା ପ୍ରଦାନ କରାଯାଇଥିଲା। ପୁଷ୍ପା ଫିଲ୍ମର ଗୀତ, ଡ୍ୟାନ୍ସ, ଆକ୍ସନ ସମସ୍ତଙ୍କ ହୃଦୟକୁ ଛୁଇଁଥିଲା। ଏଥିରୁ ବାଦ୍ ପଡ଼ି ନ ଥିଲେ କ୍ରିକେଟର ବିରାଟ କୋହଲି। ସେ ମଧ୍ୟ ପୁଷ୍ପା ଗୀତରେ ନାଚୁଥିବାର ନଜର ଆସିଥିଲେ।
ବିରାଟ ଜଣେ କ୍ରିକେଟରଙ୍କ ବିବାହ ଭୋଜିରେ ଯୋଗ ଦେଇଥିଲେ। ତାଙ୍କ ସହିତ ଅନୁଷ୍କା ଶର୍ମାଙ୍କୁ ମଧ୍ୟ ଦେଖିବାକୁ ମିଳିଥିଲା। ଭୋଜିରେ ଅନୁଷ୍କା-ବିରାଟ ଦୁହେଁ ସାମନ୍ଥା ଏବଂ ପ୍ରଭାସଙ୍କ ପୁଷ୍ପା ଗୀତରେ ଡ୍ୟାନ୍ସ କରୁଥିବା ଦେଖିବାକୁ ମିଳିଥିଲା। ଏହି ଭିଡିଓକୁ ସାମନ୍ଥା ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଥିଲେ। ଏଥିସହିତ ଏକ ଡ୍ୟାନ୍ସିଂ ଇମୋଜି ବି ଦେଇଥିଲେ। ଭିଡିଓଟି ଖୁବ୍ ଭାଇରାଲ ହୋଇଛି।