ସାଉଥ୍ ସୁନ୍ଦରୀ ସାମନ୍ଥା ରୁଥ୍ ପ୍ରଭୁ ଏବଂ ନାଗା ଚୈତନ୍ୟ ତାଙ୍କ ବ୍ୟକ୍ତିଗତ ଏବଂ ବୃତ୍ତିଗତ ଜୀବନକୁ ନେଇ ଅନେକ ସମୟରେ ଚର୍ଚ୍ଚାରେ ରୁହନ୍ତି। ତେବେ ନିକଟରେ ଦୁହିଁଙ୍କର ବିବାହ ବିଚ୍ଛେଦ ହୋଇଯାଇଥିବା ଘଟଣା ସେମାନଙ୍କ ପ୍ରଶଂସକଙ୍କୁ ଚକିତ କରିଦେଇଥିଲା। ଏବେ ଦେଖିବାକୁ ମିଳିଛି କି ସାମନ୍ଥା ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରୁ ନାଗାଙ୍କୁ ଅନ୍ଫଲୋ କରିଦେଇଛନ୍ତି। ଏହା ପୂର୍ବରୁ ମଧ୍ୟ ସେ ତାଙ୍କ ଇନଷ୍ଟାଗ୍ରାମରୁ ନାଗାଙ୍କ ଫାଟୋ ଡିଲିଟ୍ କରିଦେଇଥିଲେ। ନିକଟରେ ସାମନ୍ଥା ତାଙ୍କ ବିବାହ ଶାଢୀ ନାଗାଙ୍କୁ ଫେରାଇ ଦେଇଥିବା ଶୁଣିବାକୁ ମିଳିଥିଲା। ପୁଣି ଥରେ ଦମ୍ପତି ଶୀଘ୍ର ଏକାଠି ହୋଇପାରନ୍ତି ବୋଲି ଗୁଜବ ପ୍ରକାଶ ପାଉଥିଲା। ତେବେ ଏହି ଗୁଜବକୁ ସାମନ୍ଥା ଖଣ୍ଡନ କରିଛନ୍ତି।