ଦକ୍ଷିଣ ଫିଲ୍ମ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ନାଗା ଚୈତନ୍ୟଙ୍କଠାରୁ ଛାଡପତ୍ର ହେବା ପରେ ତାଙ୍କ ଜୀବନ ସଜାଡିବାକୁ ଆରମ୍ଭ କରିଛନ୍ତି। ନିକଟରେ ସେ ଦର୍ଶନ ପାଇଁ ବଦ୍ରିନାଥ ଏବଂ କେଦାରନାଥରେ ପହଞ୍ଚିଥିଲେ। ଦର୍ଶନ ପରେ ପରେ ସେ ନିଜ ସମାଲୋଚକଙ୍କୁ ପୁଣି କଡ଼ା ଜବାବ ଦେଇଛନ୍ତି। ସୋସିଆଲ ମିଡିଆରେ ଏକ ପୋଷ୍ଟ କରି ସେ ମହିଳାଙ୍କୁ ଦୃଢ ରହିବାକୁ ଆହ୍ବାନ ଦେଇଛନ୍ତି। ଏହି ପୋଷ୍ଟ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।
ସାମନ୍ତ ତାଙ୍କ ଇନଷ୍ଟାଗ୍ରାମ ଷ୍ଟାଟସରେ ଏକ ପୋଷ୍ଟ ଶେୟାର କରିଥିଲେ। ସେ ଭାରତୀୟ ହକି ଦଳର ଖେଳାଳି ରାଣୀ ରାମପାଲଙ୍କ ପୋଷ୍ଟରୁ ଏହି ବାର୍ତ୍ତା ଶେୟାର କରିଛନ୍ତି। ଏହି ପୋଷ୍ଟରେ ଏହା ଲେଖା ଯାଇଥିଲା, ‘ତୁମ ଝିଅମାନଙ୍କୁ ଏତେ ଯୋଗ୍ୟ କର ତୁମେ କେବେ ଭାବିବ ନାହିଁ ଯେ ତାଙ୍କୁ କିଏ ବିବାହ କରିବ? ସେମାନଙ୍କ ପାଠପଢାରେ ଟଙ୍କା ଖର୍ଚ୍ଚ କର। ତାଙ୍କ ବିବାହ ପାଇଁ ଟଙ୍କା ସଂଗ୍ରହ କରାଯିବା ଉଚିତ ବୋଲି ଭାବିବା ପରିବର୍ତ୍ତେ ଏହା ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ବିବାହ ପାଇଁ ପ୍ରସ୍ତୁତ ହେବା ପୂର୍ବରୁ ତାଙ୍କୁ ନିଜ ପାଇଁ ପ୍ରସ୍ତୁତ କର। ନିଜକୁ ଭଲ ପାଇବାକୁ ଶିଖାଅ, ଆତ୍ମବିଶ୍ୱାସୀ କରାଅ ଏବଂ ଆବଶ୍ୟକ ପଡିଲେ ତାଙ୍କୁ ପିଟିବାକୁ ମଧ୍ୟ କୁହ ବୋଲି ସାମନ୍ଥା ପୋଷ୍ଟରେ କହିଛନ୍ତି। ତେବେ ତାଙ୍କର ଏହି ପୋଷ୍ଟ ଭାଇରାଲ ହୋଇଛି। ସାମନ୍ଥା କାହାକୁ ମାରିବାକୁ ଚାହୁଁଛନ୍ତି ବୋଲି କିଛି ପ୍ରଶଂସକ ପ୍ରଶ୍ନ କରିଛନ୍ତି।
ସାମନ୍ଥା ଏବଂ ନାଗା ଚୈତନ ୨୦୧୭ରେ ବିବାହ କରିଥିଲେ। ବିବାହର ଚାରି ବର୍ଷ ପରେ ଦୁହେଁ ଛାଡପତ୍ର ନେଇଥିଲେ। ଚଳିତ ମାସ ଆରମ୍ଭରେ ସେମାନେ ପରସ୍ପରଠାରୁ ଅଲଗା ହେବା ଘୋଷଣା କରିଥିଲେ।
