ସାଉଥ୍ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ବ୍ୟକ୍ତିଗତ ଏବଂ ବୃତ୍ତିଗତ ଜୀବନକୁ ନେଇ ଚର୍ଚ୍ଚାରେ ରୁହନ୍ତି। ନିକଟରେ ଅଭିନେତା ନାଗା ଚୈତନ୍ୟଙ୍କ ଠାରୁ ଅଲଗା ହେବା ଖବର ସବୁଆଡେ ଚର୍ଚ୍ଚାର ବିଷୟ ପାଲଟିଥିଲା। ଇତି ମଧ୍ୟରେ ବ୍ଲକବଷ୍ଟର ଫିଲ୍ମ ‘ପୁଷ୍ପା-ଦ ରାଇଜ’ରେ ଆଇଟମ ଗୀତରେ ଡ୍ୟାନ୍ସ କରି ସାମନ୍ଥା ବହୁତ ଲୋକପ୍ରିୟ ହୋଇଯାଇଛନ୍ତି । ବର୍ତ୍ତମାନ ଆଉ ଏକ ଖବର ସାମ୍ନାକୁ ଆସିଛି ଯେ, ଖୁବ୍ଶୀଘ୍ର ସେ ବଲିଉଡ୍ରେ ଏଣ୍ଟ୍ରି କରିବାକୁ ଯାଉଛନ୍ତି।
ରିପୋର୍ଟ ଅନୁଯାୟୀ, ସାମନ୍ଥା ଅଭିନେତା ଆୟୁଷ୍ମାନ ଖୁରାନାଙ୍କ ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଦୀନେଶ ଭିଜାନ ଏହି ଫିଲ୍ମକୁ ପ୍ରସ୍ତୁତ କରିବାକୁ ଯାଉଛନ୍ତି। ତେବେ ଖୁବ୍ଶ୍ରୀଘ୍ର ଶୁଟିଂ ମଧ୍ୟ ଆରମ୍ଭ ହୋଇଯିବ। ହେଲେ ନିର୍ମାତା ଏପର୍ଯ୍ୟନ୍ତ କିଛି ଖୁଲାସା କରିନାହାଁନ୍ତି। କୁହାଯାଉଛି ଯେ, ସାମନ୍ଥା ଏବଂ ଆୟୁଷ୍ମାନ ଖୁରାନାଙ୍କ ଅଭିନୀତ ଫିଲ୍ମଟି ୨୦୨୩ରେ ମୁକ୍ତିଲାଭ କରିବ।
