ମୁମ୍ବାଇ,୩୦ ।୩: ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିଶ କହିଛନ୍ତି ସଂଭାଜି ନଗରରେ ଭିଡରେ ପୋଲିସ ଉପରେ ହୋଇଥିବା କଥିତ ଆକ୍ରମଣ ଦୁର୍ଭାଗ୍ୟପୂର୍ଣ୍ଣ । ଉପମୁଖ୍ୟମନ୍ତ୍ରୀ ନେତାମାନଙ୍କୁ ଅପିଲ କରିଛନ୍ତି କି ଏହାକୁ ନେଇ ଉସକାଇବା ଭଳି ବୟାନ ଦିଆ ନ ଯାଉ । ଏହାକୁ ରାଜନୈତିକ ରଙ୍ଗ ଦେବାରୁ ଦୂରେଇ ରୁହନ୍ତୁ । ଅନ୍ୟପଟେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ କହିଛନ୍ତି ଆଇନ ବ୍ୟବସ୍ଥା ଖରାପ କରନ୍ତୁ ନାହିଁ ।
ସୂଚନାଯୋଗ୍ୟ, ସଂଭାଜି ନଗରର କିରାଡପୁର ଅଞ୍ଚଳରେ ଦୁଇ ଯୁବଗୋଷ୍ଠି ମଧ୍ୟରେ ସଂଘର୍ଷ ହୋଇଥିଲା । ଏହାପରେ ପ୍ରାୟ ୫୦୦ ଲୋକ ପୋଲିସ ଉପରେ ଆକ୍ରମଣ କରିଥିଲେ । ପୋଲିସ କହିଛି ଏହି ଘଟଣାକୁ ଏକ ଘଣ୍ଟା ମଧ୍ୟରେ ଶାନ୍ତ କରି ଦିଆଯାଇଥିଲା । ସୂଚନାଯୋଗ୍ୟ, ଯେଉଁଠାରେ ସଂଘର୍ଷ ହୋଇଛି ସେଠାରେ ଏକ ରାମ ମନ୍ଦିର ରହିଛି । ତେଣୁ ରାମ ନବମୀରେ ଏଠାରେ ବହୁ ଭକ୍ତ ଏକାଠି ହେବାର ସମ୍ଭାବନା ଥିଲା ।
ହିଂସାକୁ ନେଇ ଉପମୁଖ୍ୟମନ୍ତ୍ରୀ ଓ ଗୃହମନ୍ତ୍ରୀ କହିଛନ୍ତି ଘଟଣା ଦୁର୍ଭାଗ୍ୟପୂର୍ଣ୍ଣ । ଉକ୍ତ ଅଞ୍ଚଳରେ ଶାନ୍ତି ବଜାୟ ରଖିବାକୁ ପ୍ରୟାସ ଜାରି ରହିଛି । ସେଠାରେ କେତେଜଣ ଉସକାଇବା ଭଳି ବୟାନ ଦେଇ ପରିବେଶକୁ ଖରାପ କରିବାକୁ ଚେଷ୍ଟା କରୁଛନ୍ତି । ସେ କହିଛନ୍ତି ନେତାମାନେ ଜାଣି ରଖିବା ଦରକାର କି ଏଭଳି ସ୍ଥିତିରେ କେମିତି ବ୍ୟବହାର କରିବା ଦରକାର । ତେବେ କେହି ନେତା ଯଦି ଏଭଳି ବୟାନ ଦେଉଛନ୍ତି, ତେବେ ଏହାଠାରୁ ଦୂରେଇ ରହିବା ଦରକାର ।
