କୋଲକାତା,୨୧।୪: ତୃଳମୂଳ କଂଗ୍ରେସ(ଟିଏମ୍ସି)ନେତା ଅଭିଷେକ ବାନାର୍ଜୀ ସମଲିଙ୍ଗୀ ବିବାହକୁ ସମର୍ଥନ କରିଛନ୍ତି। ଗୁରୁବାର ଏକ ବୟାନ ଦେଇ ଟିଏମ୍ସି ନେତା କହିଛନ୍ତି, ପ୍ରତ୍ୟେକଙ୍କର ନିଜ ଜୀବନସାଥୀ ବାଛିବାର ଅଧିକାର ଅଛି। ଏହା ସହିତ ସେ ଏହି ପ୍ରସଙ୍ଗରେ ବିଳମ୍ବ ପାଇଁ କେନ୍ଦ୍ର ସରକାରଙ୍କୁ ମଧ୍ୟ ସମାଲୋଚନା କରିଛନ୍ତି।
ଟିଏମ୍ସି ନେତା ଆହୁରି କହିଛନ୍ତି, ମାମଲା କୋର୍ଟରେ ଅଛି। ତେଣୁ ମୁଁ ଏହା ଉପରେ କୌଣସି ମନ୍ତବ୍ୟ ଦେବାକୁ ଚାହେଁ ନାହିଁ କିନ୍ତୁ ମୁଁ ଭାବୁଛି ପ୍ରେମର କୌଣସି ଧର୍ମ, ଜାତି ନାହିଁ। ଯଦି ଜଣେ ପୁରୁଷ ଏବଂ ଅନ୍ୟ ଜଣେ ପୁରୁଷ ଭଲ ପାଏ କିମ୍ବା ଜଣେ ମହିଳା ଅନ୍ୟ ଜଣେ ମହିଳାକୁ ଭଲପାଏ ତା’ହେଲେ କୌଣସି ଅସୁବିଧା ନାହିଁ। ସମସ୍ତଙ୍କର ପ୍ରେମ କରିବାର ଅଧିକାର ଅଛି। ପୁରୁଷ କିମ୍ବା ସ୍ତ୍ରୀ ହୁଅନ୍ତୁ ସମସ୍ତେ ନିଜ ଜୀବନ ସାଥୀ ବାଛିବା ପାଇଁ ଅଧିକାର ପାଇଛନ୍ତି।
ସମଲିଙ୍ଗୀ ବିବାହକୁ ଆଇନଗତ ସ୍ବୀକୃତି ପ୍ରଦାନ ଆବେଦନ ଉପରେ ସୁପ୍ରିମକୋର୍ଟରେ ଶୁଣାଣି ଚାଲିଛି। ଏହି ଆବେଦନକୁ ବିରୋଧ କରି କେନ୍ଦ୍ର ସରକାର ଏହାକୁ ସହରୀ ଧାରଣା ବୋଲି କହିଛନ୍ତି। ଏହା ଉପରେ ସଂସଦର ଅଧିକାର ଅଛି ବୋଲି କହିଛନ୍ତି। ବୁଧବାର ଶୁଣାଣି ସମୟରେ ସର୍ବୋଚ୍ଚ ନ୍ୟାୟାଳୟ ଗୁରୁତ୍ୱାରୋପ କରିଛନ୍ତ, ଜଣେ ବ୍ୟକ୍ତି ସେମାନଙ୍କ ଯୌନ ଗୁଣ ଆଧାରରେ ଭେଦଭାବ କରିପାରିବେ ନାହିଁ ଯାହା ଉପରେ ସେମାନଙ୍କର ନିୟନ୍ତ୍ରଣ ନାହିଁ।