ଦୁବାଇ,୩୧।୧୦: ପାକିସ୍ତାନ ଭଳି ନ୍ୟୁଜିଲାଣ୍ଡ ବିପକ୍ଷ ମ୍ୟାଚ୍ରେ ମଧ୍ୟ ବ୍ୟାଟିଂ ଭାରତୀୟ ଦଳର ବ୍ୟାଟିଂ ଲାଇନ୍ ପୂରା ଫେଲ ମାରିଛି। ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିବା ଟିମ୍ ଇଣ୍ଡିଆ ମାତ୍ର ୭ ଉଇକେଟ ହରାଇ ୧୧୦ ରନ୍ କରିବାକୁ ସକ୍ଷମ ହୋଇଛି। ଏଥିଲାଗି ନ୍ୟୁଜିଲାଣ୍ଡର ବୋଲରଙ୍କୁ ଶ୍ରେୟ ଦେବାକୁ ପଡ଼ିବ। ଟ୍ରେଣ୍ଟ ବୋଲ୍ଟ ୩ ଉଇକେଟ ନେଇଥିବା ବେଳେ ଇଶ ଶୋଢ଼ି ୨ ଉଇକେଟ ହାତେଇଥିଲେ। ଅନ୍ୟ ବୋଲରମାନେ କଞ୍ଜୁସ ବୋଲିଂ କରି ଭାରତୀୟ ବ୍ୟାଟ୍ସମ୍ୟାନଙ୍କୁ ହାତ ଖୋଲିବାକୁ ଦେଇ ନ ଥିଲେ ସୁଯୋଗ। ପୂରା ମ୍ୟାଚ୍ରେ ଭାରତୀୟ ବ୍ୟାଟରମାନେ ମାତ୍ର ୨ ଛକା ଓ ୮ ଚୌକା ମାରିବାକୁ ସକ୍ଷମ ହୋଇଥିଲେ।
ଲୋକେଶ ରାହୁଲ (୧୮) ଓ ଇଶାନ କିଷନ(୪)ଙ୍କ ନୂଆ ଓପନିଂ ଯୋଡ଼ି କିଛି ଖାସ କରିପାରି ନ ଥିଲେ। ଏହାପରେ ଦଳ କ୍ରମାଗତ ବ୍ୟବଧାନରେ ଉପଅଧିନାୟକ ରୋହିତ ଶର୍ମା (୧୪), ଅଧିନାୟକ ବିରାଟ କୋହଲି (୯), ରିଷଭ ପନ୍ତ (୧୨) ଓ ହାର୍ଦ୍ଦିକ ପାଣ୍ଡ୍ୟା (୨୩)ଙ୍କ ଉଇକେଟ ହରାଇଥିଲା। ଶେଷ ଓଭରରେ ରବୀନ୍ଦ୍ର ଜାଡେଜା (୨୫*) ୧୧ ରନ୍ କରିବାରୁ ୧୧୦ରେ ପହଞ୍ଚି ପାରିଥିଲା ଟିମ୍ ଇଣ୍ଡିଆ।