ମୁମ୍ବାଇ: ପରଲୋକରେ ଜଣାଶୁଣା ଟିଭି ଏବଂ ଚଳଚ୍ଚିତ୍ର ଅଭିନେତା ସମୀର ଖଖର। ୭୧ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସମୀର ଖଖରଙ୍କ ଭାଇ ଗଣେଶ ଖଖର ଏହି ସୂଚନା ଦେଇଛନ୍ତି। ସେ କହିଛନ୍ତି, ସମୀରଙ୍କୁ ନିଶ୍ୱାସ ନେବାରେ ଅସୁବିଧା ହେଉଥିଲା ଏବଂ ଗତ କିଛି ଦିନ ହେବ ତାଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ମଙ୍ଗଳବାର ଅପରାହ୍ନରେ ଯେତେବେଳେ ନିଶ୍ୱାସ ନେବାରେ ଅସୁବିଧା ହେଲା ତାଙ୍କୁ ବୋରିଭାଲୀ ଏମ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରେ ସକାଳ ପ୍ରାୟ ୪.୩୦ରେ ତାଙ୍କର ଦେହାନ୍ତ ହୋଇଛି। ସମୀର ଖଖର ୮୦ ଦଶକର ସିରିଏଲ ନୁକ୍କଡ (1986)ରେ ଅଭିନୟ କରି ବେଶ୍ ଲୋକପ୍ରିୟତା ହାସଲ କରିଥିଲେ।