ମୁଣ୍ଡରେ ପଗଡ଼ି କାହିଁକି ବାନ୍ଧିଛ ନୀତୀଶଙ୍କ ପ୍ରଶ୍ନ ନେଇ ସମ୍ରାଟ ଚୌଧୁରୀ ଦେଲେ ମଜାଦାର ଉତ୍ତର…

ପାଟନା,୧୨।୭ : ବିହାର ବିଧାନସଭାର ମୌସୁମୀ ଅଧିବେଶନରେ ଉତ୍ତେଜନା ଦେଖାଦେଇଛି। ଦୁର୍ନୀତି ଅଭିଯୋଗରେ ଭାଜପା ନେତା ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କ ଇସ୍ତଫା ଦାବି କରୁଛନ୍ତି। ଦୁର୍ନୀତି ପ୍ରସଙ୍ଗରେ ସିଏମ ନୀତୀଶ କୁମାରଙ୍କ ଆପୋଷ ବୁଝାମଣା କରୁଥିବା ଭାଜପା ନେତା ଅଭିଯୋଗ କରିଛନ୍ତି। ଏହି ସମୟରେ ବିହାର ବିଧାନ ପରିଷଦରେ ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଭାଜପା ରାଜ୍ୟ ସଭାପତି ସମ୍ରାଟ ଚୌଧୁରୀଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା।

ଏହି କାରଣରୁ, ଯେତେବେଳେ ନୀତୀଶ କୁମାର ସମ୍ରାଟ ଚୌଧୁରୀଙ୍କୁ ପ୍ରଶ୍ନ କରିଥିଲେ ସେ କାହିଁକି ତାଙ୍କ ମୁଣ୍ଡରେ ପଗଡି ବାନ୍ଧିଛନ୍ତି? ସେ ଏହାର ଏକ ମଜାଳିଆ ଉତ୍ତର ଦେଇଛନ୍ତି।

ସେ କହିଛନ୍ତି, ଆପଣଙ୍କୁ ସିଏମ ପଦରୁ ହଟାଇବାକୁ। ଯେଉଁ ଦିନ ଆପଣ ସିଏମ ପଦ ଛାଡିବେ, ସେହି ଦିନ ଏହି ପଗଡି ଖୋଲିବ। କେବଳ ଏତିକି ନୁହେଁ ଚୌଧୁରୀ ନୀତୀଶ କୁମାରଙ୍କୁ କହିଛନ୍ତି ଏହି କାମ ପାଇଁ ତାଙ୍କର ଆଶୀର୍ବାଦ ମଧ୍ୟ ଦରକାର। ଏନେଇ ଅନ୍ୟ ସମସ୍ୟଙ୍କ ମଧ୍ୟରେ ହାସ୍ୟରୋଳ ସୃଷ୍ଟି ହୋଇଥିଲା।