ଦକ୍ଷିଣ କୋରିଆର ଟେକ କମ୍ପାନୀ ସାମସଙ୍ଗ ଭାରତରେ ସ୍ମାର୍ଟଫୋନ ବଜାରକୁ ଅଧିକ ବୃଦ୍ଧି କରିବାକୁ ଚେଷ୍ଟା କରୁଛି। ଲୋକଙ୍କୁ ସୁହାଇବା ଭଳି କମ୍ପାନୀ ଗୋଟିଏ ପରେ ଗୋଟିଏ ଫୋନ ଶସ୍ତା କରିବାରେ ଲାଗିଛି। ଅତୀତରେ ଗାଲାକ୍ସି ଏ୫୧ର ମୂଲ୍ୟ ହ୍ରାସ କରିବା ପରେ, ଏବେ ସାମସଙ୍ଗ ଏହାର ଏ-ସିରିଜ ଲୋକପ୍ରିୟ ଫୋନ୍କୁ ଶସ୍ତା କରିଛି। ଗ୍ରାହକମାନେ ପୂର୍ବ ଅପେକ୍ଷା କମ ମୂଲ୍ୟରେ ଗାଲାକ୍ସି ଏ୨୧ କିଣିବାକୁ ସକ୍ଷମ ହେବେ ଏବଂ ଏହାର ମୂଲ୍ୟ ୧୦୦୦ଟଙ୍କା ହ୍ରାସ ପାଇଛି।
କମ୍ପାନୀ ଚଳିତ ବର୍ଷ ପ୍ରାରମ୍ଭରେ ମିଡ୍ରେଞ୍ଜ ସେଗମେଣ୍ଟରେ ଗାଲାକ୍ସି ଏ୨୧ ଲଞ୍ଚ କରିଥିଲା ଏବଂ ଫୋନର ଟପ ଏଣ୍ଡ ଭାରିଆଣ୍ଟ ମୂଲ୍ୟ ଧାର୍ଯ୍ୟ କରାଯାଇଛି। ୬ଜିବି ରାମ୍ ଏବଂ ୬୪ ଜିବି ଇଣ୍ଟରନାଲ ଷ୍ଟୋରେଜ ସହିତ ଏହି ଫୋନର ମୂଲ୍ୟ ୧୮,୪୯୯ ଟଙ୍କା ଥିଲା କିନ୍ତୁ ମୂଲ୍ୟ ହ୍ରାସ ପରେ ଏହାକୁ ୧୭,୪୯୯ ଟଙ୍କାରେ କିଣାଯାଇପାରିବ। ଆମାଜନ ଏବଂ ଫ୍ଲିପକାର୍ଟ ବ୍ୟତୀତ ଫୋନ କମ୍ପାନୀର ଅଫିସିଆଲ ସାଇଟରେ ଉପଲବ୍ଧ ହେଉଛି। ମାଇକ୍ରୋ ଏସ୍ଡି କାର୍ଡ ସାହାଯ୍ୟରେ ଫୋନର ଷ୍ଟୋରେଜ ୫୧୨ ଜିବିକୁ ବୃଦ୍ଧି କରାଯାଇପାରିବ। ସେଲଫି ପାଇଁ ଫୋନରେ ୧୩ ମେଗାପିକ୍ସେଲର ଫ୍ରଣ୍ଟ କ୍ୟାମେରା ଅଛି। ଏଥି ସହିତ ପଛ ପ୍ୟାନେଲରେ ଥିବା କ୍ୱାଡ ସେଟଅପରେ ୪୮ ମେଗାପିକ୍ସେଲ ପ୍ରାଥମିକ, ୮ ମେଗାପିକ୍ସେଲ ଅଲଟ୍ରା ୱାଇଡ ଆଙ୍ଗଲ, ୨ ମେଗାପିକ୍ସେଲ ଗଭୀରତା ଏବଂ ୨ ମେଗାପିକ୍ସେଲ ମାକ୍ରୋ କ୍ୟାମେରା ସେନସର ଦିଆଯାଇଛି। ଏହାର ଏକ ବଡ଼ ୫୦୦୦ଏମ୍ଏଏଚ୍ ବ୍ୟାଟେରୀ ଅଛି, ଯାହା ଫାଷ୍ଟ ଚାର୍ଜିଂ ସପୋର୍ଟ ସହିତ ଆସିଥାଏ।