ଭୁବନେଶ୍ୱର,୧୯।୨: ଦେଶର ପ୍ରମୁଖ ସ୍ମାର୍ଟଫୋନ ବ୍ରାଣ୍ଡ ସାମ୍ସଙ୍ଗ୍ ପକ୍ଷରୁ ଭାରତରେ ଏହାର ପ୍ରିମିୟମ ଫ୍ଲାଗ୍ଶିପ ‘ଗ୍ୟାଲାକ୍ସି ଏସ୍୨୨ ଅଲ୍ଟ୍ରା, ଗ୍ୟାଲାକ୍ସି ଏସ୍୨୨+ ଏବଂ ଗ୍ୟାଲାକ୍ସି ଏସ୍୨୨’ ସିରିଜ୍ର ଶୁଭାରମ୍ଭ କରାଯାଇଛି। ଏହି ପ୍ରିମିୟମ ସ୍ମାର୍ଟଫୋନ ପାଇଁ ନୂତନ ମାନକ ସ୍ଥିର କରିବା ଲାଗି ଗ୍ୟାଲାକ୍ସି ଏସ୍୨୨ ଅଲ୍ଟ୍ରା ଏସ୍ ସିରିଜର ପ୍ରୋ-ଗ୍ରେଡ୍ କ୍ୟାମେରା ଓ କାର୍ଯ୍ୟଦକ୍ଷତା ସହିତ ନୋଟ୍ ସିରିଜର ଅତୁଳନୀୟ ଶକ୍ତି ଏବଂ ଆଇକନିକ ଏସ୍-ପେନ୍କୁ ଏକତ୍ର କରିଛି। ଏକ ବୋଲ୍ଡ ତଥା ସ୍ଥାୟୀ ଡିଜାଇନ ସହ ନିର୍ମିତ ଗ୍ୟାଲାକ୍ସି ଏସ୍୨୨ ଏବଂ ଏସ୍୨୨+ ରେ ଅତ୍ୟାଧୁନିକ ବୁଦ୍ଧିମାନ ଇମେଜ ପ୍ରୋସେସିଂ ସହିତ ଡାଇନାମିକ କ୍ୟାମେରା ଆଦି ରହିଛି। ଏ ସମ୍ପର୍କରେ ସାମ୍ସଙ୍ଗ୍ ଇଣ୍ଡିଆର ହେଡ୍ ଅଫ୍ ପ୍ରଡକ୍ଟ ମାର୍କେଟିଂ ଆଦିତ୍ୟ ବାବର କହିଛନ୍ତି, ଗ୍ୟାଲାକ୍ସି ଏସ୍୨୨ ସିରିଜର ଶୁଭାରମ୍ଭ ସହିତ ଗ୍ରାହକଙ୍କ ଆବଶ୍ୟକତା ପୂରଣ ଦିଗରେ କାର୍ଯ୍ୟ କରିବୁ। ସେହିଭଳି ଏହାର ପ୍ରି-ବୁକିଂ ୨୩ ଫେବୃୟାରୀରୁ ଭାରତରେ ଉପଲବ୍ଧ ହେବ।
