ମୁମ୍ବାଇ: ସନା ଖାନ୍ ତାଙ୍କ ନବଜାତ ଶିଶୁପୁତ୍ରର ପ୍ରଥମ ଝଲକ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ସନା ଏବଂ ତାଙ୍କ ସ୍ବାମୀ ଅନାସ ସାୟଦ ତାଙ୍କୁ ତାରିକ ଜାମିଲ ବୋଲି ଡାକିବାକୁ ସ୍ଥିର କରିଛନ୍ତି ଏବଂ ତାଙ୍କୁ କୁରାନ ସହିତ ମଧ୍ୟ ପରିଚିତ କରିସାରିଛନ୍ତି। ସମାନ ଦେଖାଇବା ପାଇଁ ସନା ତାଙ୍କ ଇନ୍ଷ୍ଟାଗ୍ରାମ ଷ୍ଟୋରିରେ ଏକ ଭିଡିଓ ଶେୟାର କରିଛନ୍ତି।
ସେ ପ୍ରଥମ ଭିଡିଓରେ ସନାଙ୍କ ପୁଅ ଏକ କମ୍ବଳ ଭିତରେ ଘୋଡ଼େଇ ହୋଇ ଶୋଇଛନ୍ତି। ସେ ଏହି ପୋଷ୍ଟ ସହିତ ଲେଖିଛନ୍ତି, ପ୍ରଥମ ଦିନରୁ ମୋର ଶିଶୁକୁ କୁରାନ ସହିତ ପରିଚିତ କରାଇବା। ଦ୍ୱିତୀୟ ଭିଡିଓରେ ତାରିକ ତାଙ୍କ ପିତାଙ୍କ ଆଙ୍ଗୁଠି ଧରିଥିବାର ଦେଖାଯାଇଛି। ସନା ଏଥିରେ କ୍ୟାପଶନ୍ ଲେଖିଛନ୍ତି, ବାବା @ anas_saiyad20 ସହିତ।
ସନା ଏବଂ ଅନାସଙ୍କ ବିବାହ ୨୦୨୦ରେ ହୋଇଥିଲା। ୨୦୨୩ ମାର୍ଚ୍ଚରେ ସେ ଗର୍ଭବତୀ ଥିବା ଘୋଷଣା କରିଥିବା ବେଳେ ଚଳିତମାସ ୫ ତାରିଖରେ ସେ ପୁତ୍ର ସନ୍ତାନର ଜନନୀ ହୋଇଥିଲେ। ତେବେ ଆଜି ପ୍ରଥମଥର ସେ ପୁଅର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି।