ବମ୍ବେ: ବିବାହ ପରେ ଏବେ ହନିମୁନ୍ରେ ବିଗ୍ବସ୍ ଫେମ୍ ସନା ଖାନ୍। ଅଭିନୟଜଗତକୁ ବାଏ ବାଏ କହିବା ପରେ ଏବେ ମୁଫ୍ତି ଅନସ ସଈଦଙ୍କ ହାତ ସେ ଧରିଛନ୍ତି। ନୂଆ ନୂଆ ବିବାହ ଯୋଗୁ ସ୍ବାମୀଙ୍କ ସହ ସମୟ ବିତାଇବା ସ୍ବାଭାବିକ କଥା। ହେଲେ ପ୍ରଶଂସକଙ୍କ ସହ ଟିକିନିକି ଅପ୍ଡେଟ୍ ଶେୟାର କରିବାକୁ ଭୁଲୁ ନାହାନ୍ତି ସନା।
ରବିବାର ଅନସଙ୍କ ଜନ୍ମଦିନ ହୋଇଥିବାରୁ ସେ ଖାସ୍ ଭାବେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ନିଜର ଇନ୍ଷ୍ଟା ଷ୍ଟୋରୀରେ ସନା ଅନସଙ୍କ ଫଟୋ ଶେୟାର କରି, ଭଗବାନ ତୁମକୁ ସବୁବେଳେ ଖୁସିରେ ରଖନ୍ତୁ ଏବଂ ମୋ ସହ ସ୍ବର୍ଗ ପର୍ଯ୍ୟନ୍ତ ରଖନ୍ତୁ ବୋଲି କହିଛନ୍ତି। ଏଥିସହ ଶ୍ରେଷ୍ଠସ୍ବାମୀର ହାସଟ୍ୟାଗ୍ ଲଗାଇଛନ୍ତି। ପୂର୍ବରୁ ସନା କଶ୍ମୀରର ଗୁଲମର୍ଗରୁ ନିଜର ହନିମୁନର ଫଟୋ ଶେୟାର କରିଥିଲେ।
ପ୍ରେମିକଙ୍କଠାରୁ ଅଲଗା ହେବାପରେ ହଠାତ ଅଭିନୟ ଆଉ କରିବେ ନାହିଁ ବୋଲି ଘୋଷଣା କରିଥିଲେ ସନା। ଭଗବାନଙ୍କ ସେବାରେ ସେ କାମ କରିବେ ବୋଲି କହିଥିଲେ। ମାତ୍ର ପରବର୍ତ୍ତୀ ସମୟରେ ସେ ବିବାହ କରି ସମସ୍ତଙ୍କୁ ଚମକାଇଦେଇଥିଲେ। ଏବେ ସେ ନିଜ ନାମକୁ ବଦଳାଇ ସୈୟଦ ସନା ଖାନ କରିଦେଇଛନ୍ତି।