![](https://www.dharitri.com/wp-content/uploads/2022/11/25-5.jpg)
ଜାକର୍ତ୍ତା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇଣ୍ଡୋନେସିଆ ଗସ୍ତରେ ଅଛନ୍ତି। ମଙ୍ଗଳବାର ବାଲିରେ ପହଞ୍ଚିବା ପରେ ବେଶ୍ ଆଡ଼ମ୍ବର ସହକାରେ ସେଠାକାର ଲୋକେ ମୋଦିଙ୍କୁ ସ୍ବାଗତ କରିଥିଲେ। ବାଲିରେ ମୋଦି ୪୫ ଘଣ୍ଟା ରହିବେ। ମୁସଲମାନ ବହୁଳ ରାଷ୍ଟ୍ର ଇଣ୍ଡୋନେସାର ‘ବାଲି’ ବିଷୟରେ ପ୍ରତ୍ୟେକ ଦେଶର ଲୋକ ଜାଣନ୍ତି। ପ୍ରକୃତିକ ସୌନ୍ଦର୍ଯ୍ୟରେ ପରିପୂର୍ଣ୍ଣ ଏହି ସ୍ଥାନ ନିଜ ଅପରୂପ ସୌନ୍ଦର୍ଯ୍ୟରେ ପର୍ଯ୍ୟଟକଙ୍କୁ ଆକର୍ଷିତ କରିଥାଏ। ବହୁବର୍ଷ ପୁରୁଣା ଦେବଦେବୀଙ୍କ ମନ୍ଦିର ସାଙ୍ଗକୁ ବହୁ ଐତିହ୍ୟ ଏଠାରେ ରହିଛି। ଖାଲି ପରିବାର ନୁହେଁ ନ୍ୟୁ ମ୍ୟାରେଡ୍ କପୁଲଙ୍କ ପାଇଁ ମଧ୍ୟ ଏହି ସ୍ଥାନ ଖୁବ୍ ପସନ୍ଦଯୋଗ୍ୟ। ଦେଶ, ବିଦେଶରୁ ପ୍ରତିବର୍ଷ କୋଟି କୋଟି ଲୋକ ଏଠାକୁ ବୁଲିବାକୁ ଆସିଥାନ୍ତି। ବାଲି ସମୁଦ୍ରର କାଚକେନ୍ଦୁ ଭଳି ପାଣି ଅନ୍ୟ କୌଣସି ଦେଶରେ ଦେଖିବାକୁ ମିଳେ ନାହିଁ। ୧୭,୦୦୦ ଦ୍ୱୀପ ଇଣ୍ଡୋନେସିଆରେ ରହିଛି। କିନ୍ତୁ ବାଲିର ସ୍ବତନ୍ତ୍ରତା ଭିନ୍ନ। ଏଠାରେ ଏକାଧିକ ସମୁଦ୍ର କୂଳ ଥିବାବେଳେ ପ୍ରତ୍ୟେକ ବିଚ୍ ଅନ୍ୟଠାରୁ ବହୁ ଗୁଣରେ ଭିନ୍ନ।
ଆଧ୍ୟାତ୍ମିକବାଦୀ ଓ ସରଳ
ବିଶ୍ୱାସୀ ଲୋକ
ଇଣ୍ଡୋନେସିଆର ନାଗରିକ ଠାକୁରଙ୍କୁ ମାନୁଥିବାବେଳେ ସେମାନେ ଅତି ସରଳ ସ୍ବଭାବର ହୋଇଥାନ୍ତି। ସେମାନେ ପ୍ରତ୍ୟେକ ଦିନ ଇଶ୍ୱରଙ୍କୁ ପ୍ରାର୍ଥନା କରନ୍ତି। ପ୍ରତ୍ୟେକଙ୍କ ଘରେ ଭଗବାନଙ୍କ ପାଇଁ ଛୋଯ ମନ୍ଦିର ସଦୃଶ ପ୍ରକୋଷ୍ଠ ରହିଥାଏ। ବାଲିର ଥିବା ମନ୍ଦିରଗୁଡ଼ିକର ଅନେକ ଗୁରୁତ୍ୱପୂର୍ଣ୍ଣ ବିଶେଷତ୍ୱ ରହିଛି। ବାଳିର ଖାଦ୍ୟପେୟ ପ୍ରତ୍ୟକଙ୍କ ପସନ୍ଦ।
ରୁପିଆରେ ଗଶେଷଙ୍କ ଚିତ୍ର
ଇଣ୍ଡୋନେସିଆରେ ୮୫% ଲୋକେ ମୁସଲମାନ ଥିବାବେଳେ ୨% ଲୋକ ହିନ୍ଦୁ। ଇଣ୍ଡୋନେସିଆର ୨୦ ହଜର ଟଙ୍କିଆ ରୁପିଆ ନୋଟ୍ରେ ଗଣେଷ ଠାକୁରଙ୍କ ଫଟୋ ଦେଖିବାକୁ ମିଳିଛି। ୨୦୦୮ରୁ ଏହି ନୋଟ୍ ପ୍ରଚଳନ ବନ୍ଦ କରିଦିଆଯାଇଛି। କିଛି ବର୍ଷ ଅନ୍ତରାୟରେ ଇଣ୍ଡୋନେସିଆର କରେନ୍ସିରେ ପରବର୍ତ୍ତନ କରାଯାଏ।