ଦିଗପହଣ୍ଡି,୨୦ା୧୦(ଅଶେଷ ନାଥ ମିଶ୍ର)- ଗଞ୍ଜାମ ଜିଲା କେ. ନୂଆଗାଁ ଥାନା ଅନ୍ତର୍ଗତ ପତ୍ରଚୂଡି ଗ୍ରାମ ନିକଟ ବାହୁଦା ନଦୀରୁ ବେଆଇନ ବାଲି ଚାଲାଣ କରୁଥିବା ଜଣେ ଟ୍ରାକ୍ଟର ଚାଳକଙ୍କୁ ଗିରଫ କରାଯାଇଛି। ସେ ହେଲେ ଦିଗପହଣ୍ଡି ଥାନା ବଡଡୁମ୍ବୁଳା ଗ୍ରାମର ବଳରାମ ସେଠୀ। ବାଲି ନେଇ ଆସୁଥିବା ବେଳେ ସୁନ୍ଦରଡା ଗ୍ରାମ ନିକଟରେ ପୋଲିସ ତାଙ୍କୁ ଧରିଥିଲା। ବାଲି ଚାଲାଣ ନେଇ ବଳରାମଙ୍କ ନିକଟରେ କୌଣସି ଅନୁମତି ନ ଥିବାରୁ ଟ୍ରାକ୍ଟରଟିକୁ ଜବତ କରାଯିବା ସହ ତାଙ୍କୁ ଗିରଫ କରାଯାଇଥିଲା। ଶୁକ୍ରବାର ବଳରାମଙ୍କୁ କୋର୍ଟ ଚାଲାଣ ପରେ ଦିଗପହଣ୍ଡି ସବ୍ ଜେଲ ହାଜତକୁ ପଠାଇ ଦିଆଯାଇଛି।