ଛତ୍ରପୁର,୨୭।୭(ଡି.ଏନ୍.ଏ.): ଗଞ୍ଜାମ ଜିଲା ଋଷିକୂଲ୍ୟା ନଦୀରୁ ଆନ୍ଧ୍ରକୁ ବାଲି ଚୋରା ଚାଲାଣ ବେଳେ ମଧ୍ୟରାତିରେ ୧୯ଟି ବାଲି ବୋଝେଇ ଟ୍ରକ୍କୁ ପୋଲିସ ଜବତ କରିଛିି। ନିୟମିତ ଏଠାର କେତେକ ବାଲି ମାଫିଆ ଆନ୍ଧ୍ରକୁ ବାଲି ଚୋରାଚାଲାଣ କରିଆସୁଥିଲେ ହେଁ ପ୍ରଶାସନ କୌଣସି ପଦକ୍ଷେପ ନେଉ ନ ଥିଲା। ଶୁକ୍ରବାର ଗଞ୍ଜାମ ସମେତ ଅନ୍ୟ ଜିଲାରୁ ବାଲି ଆନ୍ଧ୍ରକୁ ଚୋରା ଚାଲାଣ ହେଇଥିବା ନେଇ ବିଧାନସଭାରେ ପ୍ରସଙ୍ଗ ଉଠିଥିଲା। ପରେ ରାଜସ୍ବ ବିଭାଗର ନିଦ ଭାଙ୍ଗି ଥିଲା। ଏ ନେଇ ଶୁକ୍ରବାର ମଧ୍ୟ ରାତିରେ ଛତ୍ରପୁର, ଗଞ୍ଜାମ ଓ ଚମାଖଣ୍ଡି ଥାନା ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଆନ୍ଧ୍ରକୁ ଚୋରା ଚାଲାଣ ହେଉଥିବା ୧୯ଟି ବାଲି ବୋଝେଇ ଟ୍ରକକୁ ଜବତ କରିଥିଲେ।
ସମସ୍ତ ଗାଡ଼ିର ଚାଳକ ଓ ହେଲ୍ପର୍କୁ ଅଟକ ରଖାଯାଇ ପୋଲିସ ତଦନ୍ତ ଜାରି ରଖିଛି।