ପୁରୁଷୋତ୍ତମପୁର,୩।୧୦(ସିମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ଋଷିକୁଲ୍ୟା ନଦୀକୁ ବାଲିମାଫିଆମାନେ କବଜାକରି ବିଭିନ୍ନ ସ୍ଥାନରେ କୂଳଘାଇକୁ ଭାଙ୍ଗି ବାଲିଚୋରି କରି ନେବାରେ ଲାଗିଛନ୍ତି। ଏହି ବାଲିକୁ ଚଢାଦରରେ ବିକି ମୋଟା ଅଙ୍କର ଅର୍ଥ ରୋଜଗାର କରିବାରେ ଲାଗିଛନ୍ତିା ଏପରିକି ପ୍ରତାପୁର ଗ୍ରାମରେ ବନ୍ୟାପାଣି ଦାଉରୁ ଗ୍ରାମକୁ ରକ୍ଷା କରିବାଲାଗି ସରକାରଙ୍କ ଜଳସେଚନ ବିଭାଗ ପକ୍ଷରୁ ଋଷିକୂଲ୍ୟା ନଦୀ ପାର୍ଶ୍ୱରେ ଲକ୍ଷଲକ୍ଷ ଟଙ୍କା ବ୍ୟୟରେ ନିର୍ମାଣ କରାଯାଇଥିବା କୂଳଘାଇ ହୁଡାକୁ ବାଲି ମାଫିଆମାନେ ଜେସିବି ମେସିନ ସାହାଯ୍ୟରେ ଭାଙ୍ଗି ଦେଇଛନ୍ତି। ଯାହାଦ୍ବାରା ବନ୍ୟାପାଣି ଗାଁରେ ପଶିବା ଆସଙ୍କା ଦେଖାଦେଛିା ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ଦେଖାଦେଇଛି। ଫଳରେ ଏହି ଘଟଣାକୁନେଇ ପ୍ରତାପୁର ପଞ୍ଚାୟତର ସରପଞ୍ଚ ଦାସ ବେହେରା ପୁରୁଷୋତ୍ତମପୁର ପୋଲିସକୁ ଲିଖିତ ଅଭିଯୋଗ କରି ଏଭଳି ବେଆଇନ କାଯର୍ୟକରି ସରକାରଙ୍କ ସମ୍ପତିକୁ ନଷ୍ଟ କରିଥିବା ବ୍ୟକ୍ତିମାନଙ୍କ ବିରୋଦ୍ଧରେ କାର୍ଯାନୁଷ୍ଟାନ ଲାଗି ଦାବି କରିଛନ୍ତି।