ପାଟଣା,୧୭ା୧୧(ବୀରକିଶୋର ଦାସ): କେନ୍ଦୁଝର ଜିଲା ପାଟଣା ବ୍ଲକ ମୁଖ୍ୟାଳୟ ସର୍ବପୁରାତନ ଗୋପୀନାଥ ନାରାୟଣ ଉଚ୍ଚବିଦ୍ୟାଳୟ ପରିସରରୁ ଶନିବାର ବିଳମ୍ବିତ ରାତିରେ ଚନ୍ଦନକାଠ ମାଫିଆ ୧୨ବର୍ଷ ପୁରୁଣା ଚନ୍ଦନ ଗଛକୁ କାଟି ନେଇଛନ୍ତି।
ସୂଚନା ଯେ, ଗୋଟିଏ ଚନ୍ଦନ ଗଛକୁ ଦୁର୍ବୃତ୍ତ କାଟି ନେଇଥିବାବେଳେ ଆଉ ଏକ ଚନ୍ଦନ ଗଛକୁ ଅଧାକଟା ଭାବେ ଛାଡ଼ି ଚାଲିଯାଇଛନ୍ତି। ଓ୍ବାଚ୍ ମ୍ୟାନ୍ ଉଠିପଡ଼ିବାରୁ ସମ୍ଭବତଃ ଦୁର୍ବୃତ୍ତ ଗୋଟେ ଗଛକୁ ଦରକଟା ଭାବେ ଛାଡ଼ି ଚାଲିଯାଇଛନ୍ତି। ପାଟଣା ଥାନା ମୁଖ୍ୟାଳୟର ୨ ଶହ ମିଟର ଦୂରରେ ଥିବା ଗୋପୀନାଥ ନାରାୟଣ ଉଚ୍ଚବିଦ୍ୟାଳୟ ପରିସରରୁ ଦୁର୍ବୃତ୍ତମାନେ ଚନ୍ଦନ ଗଛକୁ କାଟି ନେଇଛନ୍ତି।