ନୂଆଦିଲ୍ଲୀ: ସରକାର ପ୍ରଥମେ ବିଭିନ୍ନ ଚାଇନା ଆପକୁ ବ୍ୟାନ କଲେ। ଦେଶର ସୁରକ୍ଷା ଓ ସମ୍ପ୍ରଦାୟିକ ଘଟଣାରୁ ବିରୋଧୀ ଗୋଷ୍ଟୀଙ୍କ କବଳରୁ ଦେଶକୁ ରକ୍ଷା କରିବା ପାଇଁ ମେକ ଇନ ଇଣ୍ଡିଆ ଓ ଆମତ୍ ନିର୍ଭର ଭାରତର ପ୍ରଚାର ଓ ପ୍ରସାର ସହିତ ଷ୍ଟାଟଅପ କୁ ପ୍ରୋସାହିତ କରିବା ପାଇଁ ବିଭିନ୍ନ ଯୋଜନା ଓ ସହାୟତା ପ୍ରଦାନ କରାଗଲା। ବର୍ତ୍ତମାନ ସମୟରେ ହ୍ବାଟସ ଆପକୁ ନେଇ ଦେଖାଦେଇଥିବା ବିବାଦରୁ ଦେଶବାସୀଙ୍କୁ ଦୁରେଇ ରଖିବା ନିମନ୍ତେ ନୂଆ ନୂଆ ସୋସିଆଲ ପ୍ଲାଟଫର୍ମର ଆରମ୍ଭ ସରକାରଙ୍କ ସହଯୋଗରେ ଆରମ୍ଭ ହେଉଛି। ଇନ୍ଷ୍ଟାଣ୍ଟ ମେସେଜିଂ ହ୍ବାଟ୍ସଆପ୍ ଆପ୍କୁ ଟକ୍କରଦେବା ପାଇଁ ବଜାରକୁ ଆସିଛି ‘ସନ୍ଦେଶ ଆପ୍’। ନିକଟରେ କେନ୍ଦ୍ର ସରକାର ଏହି ସ୍ବଦେଶୀ ଆପ୍କୁ ଲଞ୍ଚ୍ କରିଛନ୍ତି। ନ୍ୟାଶନାଲ ଇନ୍ଫରମେଟିକ ସେଣ୍ଟର ଦ୍ୱାରା ବିକଶିତ ଏହି ଆପ୍କୁ ଆପଲ ପ୍ଲେ ଷ୍ଟୋର ଜିଆଇଏମ୍ଏସ୍ ପୋର୍ଟାଲରୁ ଡାଉନଲୋଡ୍ କରିହେବ। ସେହିଭଳି ହ୍ବାଟ୍ସଆପ୍ ଭଳି ଏହି ଆପ୍ରେ ମଧ୍ୟ ଜଣେ ୟୁଜର୍ସ ଅଡିଓ, ଭିଡିଓ କଲ୍ କରିପାରିବା ସହିତ ମଲ୍ଟିମିଡିଆ ଓ ଫାଇଲ ଶେୟାର କରିପାରିବେ ବୋଲି ଜଣାପଡ଼ିଛି। ଜଣେ ବ୍ୟବହାରକାରୀ ହ୍ବାଟ୍ସଆପ୍ରେ ଯାହା ସୁବିଧା ପାଇପାରୁଛନ୍ତି ସେହିସବୁ ସୁବିଧା ଏହି ଆପ୍ରେ ବି ପାଇପାରିବେ। ହ୍ବାଟ୍ସଆପ୍ ଓ ସନ୍ଦେଶ ଆପ୍ ମଧ୍ୟରେ ଫରକ ହେଉଛି ଯେ, ହ୍ବାଟ୍ସଆପ୍ରେ କେବଳ ମୋବାଇଲ ନମ୍ବର ବ୍ୟବହାର କରାଯାଉଥିଲା ବେଳେ ସନ୍ଦେଶରେ ଲଗ୍ଇନ୍ କରିବାକୁ ମୋବାଇଲ ନମ୍ବର ସହିତ ଇମେଲ୍ ଆଇଡି ଦେବାକୁ ପଡ଼ିବ। ବର୍ତ୍ତମାନ କେବଳ ସରକାରୀ କର୍ମଚାରୀମାନେ ଏଥିରେ ଲଗ୍ଇନ୍ କରିପାରିବେ ବୋଲି ଜଣାପଡ଼ିଛି। ସେମାନେ ଏହି ଆପ୍ ଜରିଆରେ ନିଜ ସମ୍ପର୍କୀୟଙ୍କୁ ଯୋଗାଯୋଗ କରିବେ। ଏହାର ବ୍ୟବହାର ବେଳେ ଅନ୍ୟମାନଙ୍କୁ ବି ଏହି ଆପ୍ର ବ୍ୟବହାର ପାଇଁ ଅନୁମତି ମିଳିବ। ସୂଚନାଯୋଗ୍ୟ, ନିକଟରେ ହ୍ବାଟ୍ସଆପ୍ ପ୍ରିଭେସି ପଲିସି ଅପ୍ଡେଟ୍ ନୋଟିଫିକେଶନ ପଠାଇଥିଲା। ଏହାକୁ ନେଇ ବିବାଦ ଦେଖିଯାଇଥିଲା। ଫଳରେ ଉକ୍ତ ମାମଲା ସୁପ୍ରିମକୋର୍ଟରେ ପହଞ୍ଚିଥିଲା ପରେ କୌଣସି ଡାଟା ଶେୟାରିଂର ପ୍ରକ୍ରିୟା ବଦଳିବ ନାହଁ ବୋଲି ହ୍ବାଟ୍ସଆପ୍ ସ୍ପଷ୍ଟ କରିଥିଲା।