ନୂଆଦିଲ୍ଲୀ,୧୭।୧୧: ଫେସବୁକର ପ୍ୟାରେଣ୍ଟ କମ୍ପାନୀ ମେଟା ଗୁରୁବାର ସନ୍ଧ୍ୟା ଦେବନାଥନ୍ଙ୍କୁ ଭାରତର ନୂତନ ମୁଖ୍ୟ ଭାବେ ନିଯୁକ୍ତ କରିଛି। ଅଜିତ ମୋହନଙ୍କ ଇସ୍ତଫା ପରେ ସନ୍ଧ୍ୟାଙ୍କୁ ଏହି ଦାୟିତ୍ୱ ଦିଆଯାଇଛି।
ବ୍ୟାଙ୍କିଙ୍ଗ, ପେମେଣ୍ଟ ଏବଂ ଟେକ୍ନୋଲୋଜିରେ ତାଙ୍କର ୨୨ ବର୍ଷର ଅଭିଜ୍ଞତା ରହିଛି। ଲିଙ୍କ ଡ ଇନ୍ ପ୍ରୋଫାଇଲରେ ସେ ୨୦୦୦ରେ ଦିଲ୍ଲୀ ବିଶ୍ୱବିଦ୍ୟାଳୟର ମ୍ୟାନେଜମେଣ୍ଟ ଷ୍ଟଡିଜରୁ ଏମ୍ବିଏ ସମାପ୍ତ କରିଥିବା ଉଲ୍ଲେଖ ରହିଛି। ଏପରି କି ସେ ୨୦୧୬ରେ ମେଟାରେ ଯୋଗ ଦେଇଥିଲେ। ସିଙ୍ଗାପୁର ଏବଂ ଭିଏତନାମ ଏବଂ ଦକ୍ଷିଣ ପୂର୍ବ ଏସିଆରେ ଟେକ ଜଏଣ୍ଟର ଇ- ବାଣିଜ୍ୟ ପଦକ୍ଷେପ ଗଠନ କରିବାରେ ତାଙ୍କର ଅବଦାନ ରହିଥିଲା। ଏଥିରେ ପ୍ରଭାବିତ ହୋଇ କମ୍ପାନୀ ତାଙ୍କୁ ଏହି ଗୁରୁଦାୟିତ୍ୱ ଦେଇଛି।
