ବନ୍ତ,୩ା୨ (ଡି.ଏନ.ଏ.) ପଞ୍ଚାୟତ ନିର୍ବାଚନରେ ଭଦ୍ରକ ଜିଲା ବନ୍ତ ବ୍ଲକ ଟିଲୋ ପଞ୍ଚାୟତରେ ୪ଜଣ ସରପଞ୍ଚ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। କଂଗ୍ରେସ ସିପିଆଇ ମେଣ୍ଟ, ବିଜେଡି ଏବଂ ଭାଜପା ସମର୍ଥତ୍ତ ପ୍ରାର୍ଥୀ ଥିବାବେଳେ ଭାଜପାର ଜଣେ ଅସନ୍ତୁଷ୍ଟ ପ୍ରାର୍ଥୀ ମଇଦାନରେ ଅବତୀର୍ଣ୍ଣ ହୋଇଛନ୍ତି। ଏମାନଙ୍କ ମଧ୍ୟରେ କଂଗ୍ରେସ ଓ ସିପିଆଇ ଅଘୋଷିତ ମେଣ୍ଟରୁ ସରପଞ୍ଚ ପ୍ରାର୍ଥୀ ଭାବେ ଯୁବ ଆଇନଜୀବୀ, ବରିଷ୍ଠ ସାମ୍ବାଦିକ ସଂଗ୍ରାମ କେଶରୀ ଜେନା ଏବଂ ସମିତିସଭ୍ୟା ପ୍ରାର୍ଥୀ ଭାବେ ବିଶ୍ୱଭାରତୀ ଶର୍ମା ପ୍ରତିଦ୍ୱନ୍ଦ୍ୱିତା କରୁଛନ୍ତି। ସଂଗ୍ରାମ ପ୍ରଚାରକୁ ଜୋରଦାର କରି ଭୋଟରଙ୍କ ନିକଟତର ହେବାକୁ ଚେଷ୍ଟା ଚଳାଇଛନ୍ତି। ଓଡ଼ିଆରେ ଏମ୍ଏ ଏବଂ ଏଲ୍ଏଲ୍ବି ଶିକ୍ଷାଲାଭ କରିଥିବା ସଂଗ୍ରାମ ଅଖିଳ ଭାରତ ଛାତ୍ର ସଂଘର ଜଣେ ସଙ୍ଗଠକ ଭାବେ ଦକ୍ଷତାର ସହ କାର୍ଯ୍ୟ କରିଆସିଛନ୍ତି। ୨୦୦୨ରେ ପଞ୍ଚାୟତ ନିର୍ବାଚନରେ ସେ ଟିଲୋ ପଞ୍ଚାୟତର ସରପଞ୍ଚ ପ୍ରାର୍ଥୀ ହୋଇଥିଲେ। ଛାତ୍ର ଜୀବନରୁ ସେ ଲୋକଙ୍କ ପାଇଁ ସଦାସର୍ବଦା ଲଢ଼େଇ କରିଆସୁଥିବା କହିଛନ୍ତି।