ସିଡ଼ନୀ,୨୭।୧: ଭାରତୀୟ ଟେନିସ ଷ୍ଟାର ସାନିଆ ମିର୍ଜା ନିଜ ଶେଷ ଗ୍ରାଣ୍ଡସ୍ଲାମରେ ପରାଜୟର ସମ୍ମୁଖୀନ ହୋଇଛନ୍ତି। ଅଷ୍ଟ୍ରେଲିଆ ଓପନର ମିକ୍ସ ଡବଲ୍ସ ଫାଇନାଲରେ ସାନିଆ ଏବଂ ରୋହନ ବୋପାନ୍ନା ୬-୭, ୬-୨ରେ ସେଟ୍ରେ ହାରିଯାଇଛନ୍ତି। ଏହା ତାଙ୍କର ଶେଷ ଟୁର୍ନାମେଣ୍ଟ ହେବ ବୋଲି ସାନିଆ ପୂର୍ବରୁ ଘୋଷଣା କରିସାରିଥିଲେ। ଅଷ୍ଟ୍ରେଲିଆ ଓପନର ମହିଳା ଡବଲ୍ସରେ ଦ୍ୱିତୀୟ ରାଉଣ୍ଡରେ ସେ ହାରିଯାଇଥିଲେ ଏବଂ ମିକ୍ସ ଡବଲ୍ସରେ ଫାଇନାଲରେ ମଧ୍ୟ ତାଙ୍କୁ ପରାଜୟର ସମ୍ମୁଖୀନ ହେବାକୁ ପଡିଛି। ଏହି ପରାଜୟ ସହିତ ସାନିଆଙ୍କ ବିଜୟ ବିଦାୟର ସ୍ବପ୍ନ ଭାଙ୍ଗିଯାଇଛି।
ଅଷ୍ଟ୍ରେଲିୟ ଓପନର ମିକ୍ସ ଡବଲ୍ସ ଫାଇନାଲରେ ବ୍ରାଜିଲର ଯୋଡି ଲୁଇସା ଷ୍ଟେଫାନି ଏବଂ ରାଫେଲ ମ୍ୟାଟୋସ ସାନିଆ ଏବଂ ରୋହାନଙ୍କୁ ୬-୭, ୬-୨ ବ୍ୟବଧାନରେ ପରାସ୍ତ କରିଛନ୍ତି। ଏହି ପରାଜୟ ସହିତ ସାନିଆର ଚମତ୍କାର ଟେନିସ କ୍ୟାରିୟର ଶେଷ ହୋଇଛି।
ସାନିଆ ତାଙ୍କ କ୍ୟାରିୟରରେ ୩ଟି ମହିଳା ଡବଲ୍ସ ଗ୍ରାଣ୍ଡସ୍ଲାମ ଟାଇଟଲ ଏବଂ ୩ଟି ମିକ୍ସ ଡବଲ୍ସ ଟାଇଟଲ ଜିତିଛନ୍ତି। ବୋପାନ୍ନା ଗୋଟିଏ ମିକ୍ସ ଡବଲ୍ସ ଗ୍ରାଣ୍ଡସ୍ଲାମ ଟାଇଟଲ ଜିତିଛନ୍ତି।