ଭଞ୍ଜନଗର,୫।୧୧(ଡି.ଏନ.ଏ): ରାଜ୍ୟର ସମସ୍ତ ଏନ୍ଏସିର ପରିମଳ ବ୍ୟବସ୍ଥା ତଦାରଖ ପାଇଁ ଘରୋଇ ସଂସ୍ଥାକୁ ଦାୟିତ୍ୱ ଦିଆଯାଇଛି ା ହେଲେ ଭଞ୍ଜନଗର ଏନ୍ଏସରେ ସଫେଇ କର୍ମଚାରୀମାନଙ୍କ ବିରୋଧ ଯୋଗୁ ଘରୋଇକରଣ ହୋଇପାରି ନ ଥିଲା। ଇତିମଧ୍ୟରେ ଏଠାରେ ମଧ୍ୟ ପରିମଳ ବ୍ୟବସ୍ଥା ତଦାରଖ ପ୍ରକ୍ରିୟା ଘରୋଇକରଣ ହୋଇଛି। ଏଥିପାଇଁ ଘରୋଇ ସଂସ୍ଥା ବର୍ଷକୁ ୧ କୋଟି ୨୦ଲକ୍ଷ ଟଙ୍କା ନେବ। ଉକ୍ତ ସଂସ୍ଥା ୬୬ଜଣ ସଫେଇ କର୍ମଚାରୀଙ୍କୁ ଦରମା ବାବଦକୁ ଟଙ୍କା ପ୍ରଦାନ କରିବ। ଏଥିସହ ଗାଡ଼ି, ତେଲ, ବ୍ଲିଚିଙ୍ଗ୍ ପାଉଡ଼ର ସମେତ ଅନ୍ୟାନ୍ୟ ଖର୍ଚ୍ଚ ମଧ୍ୟ କରିବ। ସଫେଇ କର୍ମଚାରୀମାନେ ଆଉଟସୋର୍ସିଂ ମାଧ୍ୟମରେ କାମ କରିବେ। ନିୟମିତ ଥିବା ୯ଜଣ ସଫେଇ କର୍ମଚାରୀ ପୂର୍ବଭଳି ଏନ୍ଏସିରୁ ଦରମା ନେବେ। ସରକାର ଏନଏସି ଗୁଡ଼ିକରେ ଗ୍ରୁପ୍ ସି ଓ ଗ୍ରୁପ୍ ଡ଼ି କର୍ମଚାରୀ ନିଯୁକ୍ତି ପ୍ରକ୍ରିୟାକୁ ବନ୍ଦ କରି ଦେଇଛନ୍ତି। ଏଥିସହ କର୍ମଚାରୀମାନଙ୍କ ବିଭିନ୍ନ ଦାବିକୁ ଏଡ଼ାଇବା ପାଇଁ ଆଉଟସୋର୍ସିଂ ମାଧ୍ୟମରେ ନିଯୁକ୍ତି ଦେଉଛନ୍ତି । ଶ୍ରମିକମାନଙ୍କ ପାରିଶ୍ରମିକ ବୃଦ୍ଧି ପାଇଲେ ସେହି ଅନୁପାତରେ ଚୁକ୍ତି ଅନୁସାରେ ଆଗାମୀ ଦିନରେ ଖର୍ଚ୍ଚ ବଢ଼ିବ । ସହରରେ ବର୍ଜ୍ୟବସ୍ତୁ ପରିଚାଳନା ପ୍ଲାଣ୍ଟ ଅଛି। କିନ୍ତୁ ସହରରୁ ଦୈନନ୍ଦିନ ବାହାରୁଥିବା ପ୍ଲାଷ୍ଟିକ୍ ବର୍ଜ୍ୟକୁ କମ୍ପାନୀ ଗୁଡ଼ିକୁ ପଠାଇବା ବ୍ୟବସ୍ଥା କରାଯାଇପାରୁନାହିଁ । ସେସବୁକୁ ଭଞ୍ଜନଗର-ଫୁଲବାଣୀ ମୁଖ୍ୟ ରାସ୍ତାର ଏକ ଘରୋଇ କଲେଜ ସମ୍ମୁଖରେ ପକାଇ ଦିଆଯାଉଛି । ଏଥିପାଇଁ ସାଧାରଣରେ ଅସନ୍ତୋଷ ବଢ଼ୁଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଆବଶ୍ୟକ ପଦକ୍ଷେପ ନେବାକୁ ଦାବି ହୋଇଛି। ଅପରପକ୍ଷେ ସ୍ବୟଂ ସହାୟିକା ଗୋଷ୍ଠୀଗୁଡ଼ିକୁ ଆଥର୍ର୍କ କ୍ଷେତ୍ରରେ ଉନ୍ନତ କରିବା ପାଇଁ ସରକାର ମୁଖ୍ୟମନ୍ତ୍ରୀ କର୍ମତପତ୍ର ଅଭିଯାନ (ମୁକ୍ତା) ଯୋଜନା କରିଛନ୍ତି। ଉକ୍ତ ଯୋଜନାରେ ବିନା ଟେଣ୍ଡରରେ ସ୍ବୟଂ ସହାୟିକା ଗୋଷ୍ଠୀକୁ ୧୦ଲକ୍ଷ ଟଙ୍କା ପର୍ଯ୍ୟନ୍ତ କାମ ଦିଆଯିବ । ତା’ଠାରୁ ଅଧିକ ଟଙ୍କାର କାମ ହେଲେ ଯନ୍ତ୍ରୀଙ୍କ ନାମରେ କାର୍ଯ୍ୟଦେଶ ରହିବ। ୨୦୨୦ରୁ ମୁକ୍ତା ଯୋଜନା ଆସିବାପରଠୁ ଏନଏସିରେ ପ୍ରାୟ ୩କୋଟି ଟଙ୍କା ବ୍ୟୟରେ ଅନେକ ଉନ୍ନୟନ କାର୍ଯ୍ୟ କରାଯାଇଛି । ଏହି ଯୋଜନାରେ ସହରର ବିକାଶ କରିବା ପାଇଁ ବର୍ତ୍ତମାନ ଆଉ ଦେଢ଼ କୋଟି ଟଙ୍କା ରହିଛି । ମୁକ୍ତା ଯୋଜନା କାର୍ଯ୍ୟକାରୀ ହେବାପରଠୁ ଯେଉଁ ସ୍ବୟଂ ସହାୟିକା ଗୋଷ୍ଠୀ କାମ କରୁଛନ୍ତି, ସମ୍ପୃକ୍ତ ଗୋଷ୍ଠୀର ଆଥର୍ର୍କ ସ୍ଥିତିରେ ଉନ୍ନତି ଆସୁଛି । ସରକାରଙ୍କ ନିଷ୍ପତ୍ତି ଅନୁସାରେ ସହରର ପରିମଳ ବ୍ୟବସ୍ଥାକୁ ଘରୋଇକରଣ କରାଯାଇଛି ବୋଲି ଏନ୍ଏସି ନିର୍ବାହୀ ଅଧିକାରୀ ଆଶୁତୋଷ ଗୌରବ କର କହିଛନ୍ତି।