ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚାରା’ରୁ ନିଜର କ୍ୟାରିୟର ଆରମ୍ଭ କରିଥିବା ଅଭିନେତ୍ରୀ ସଞ୍ଜନା ସାଙ୍ଘି ଆଦିତ୍ୟ ରୟ କପୁରଙ୍କ ସହ ଫିଲ୍ମ ‘ଓମ ଦ ବ୍ୟାଟେଲ’ରେ ନଜର ଆସିବେ ବୋଲି ଜଣାପଡିଛି । ଫିଲ୍ମ ନିର୍ମାତା ଅହମ୍ମଦ ଖାଁ କହିଛନ୍ତି ପ୍ରଥମ ଅଭିନୟ ହିଁ ସଞ୍ଜନାଙ୍କର ଥିଲା ଏକ ପରପକ୍ୱ ଅଭିନୟ । ତେଣୁ ଏହି ଫିଲ୍ମରେ ତାଙ୍କୁ ନେବାକୁ ଉଚିତ୍ ମଣିଛନ୍ତି ନିର୍ମାତା । ଏଥିରେ ସଞ୍ଜନାଙ୍କର ଆକ୍ସନ ସିନ୍ ରହିବ ବୋଲି ଜଣାପଡିଛି । ଏହାକୁ ନେଇ ଅଭିନେତ୍ରୀ କହିଛନ୍ତି ଆକ୍ସନ ମୁଭିରେ ଅଭିନୟ କରିବାର ସୁଯୋଗ ମିଳିବା ଭାଗ୍ୟର କଥା ବା ସମ୍ମାନର କଥା । ଏଥିପାଇଁ ସେ ନିର୍ମାତା ନିର୍ଦ୍ଦେଶକଙ୍କୁ ଧନ୍ୟବାଦ ଦେଇଛନ୍ତି । ଏହି ଫିଲ୍ମରେ ସଞ୍ଜନା କାବ୍ୟା କ୍ୟାରେକ୍ଟରରେ ଆସୁଥିବା ବେଳେ ଏହା ଦେଶର ଯୁବତୀଙ୍କୁ ପେରଣା ଦେବ ନିଶ୍ଚୟ । ତେବେ ଏଥିରେ ସେ ଯେଉଁ ଚରିତ୍ରରେ ଆସୁଛନ୍ତି ତାହା ତାଙ୍କ ପାଇଁ ସମ୍ପୂର୍ଣ୍ଣ ଅଲଗା ବୋଲି ସେ କହିଛନ୍ତି । ଏଥିରେ ସଞ୍ଜନାଙ୍କ ପାଇଁ ଆକ୍ସନ ସିନ୍ ଥିବାରୁ ଏହାକୁ ନେଇ ସେ ଖୁବ୍ ଏକ୍ସସାଇଟେଡ୍ ଅଛନ୍ତି ଆଉ ଏହା ପାଇଁ ପ୍ରସ୍ତୁତି ମଧ୍ୟ ଜାରି ରଖିଛନ୍ତି । ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ଏହାର ଶୁଟିଂ ଶେଷ କରିବାକୁ ନିର୍ମାତା ଲକ୍ଷ୍ୟ ରଖିଥିବା ବେଳେ ଆସନ୍ତା ବର୍ଷ ମଧ୍ୟଭାଗରେ ଏହା ରିଲିଜ୍ କରିବାର ଯୋଜନା ରହିଛି । ଦେଶର ତିନୋଟି ପ୍ରମୁଖ ସ୍ଥାନରେ ଏହାର ଶୁଟିଂ କରାଯିବା ସହ ବିଦେଶରେ ମଧ୍ୟ କିଛି ଅଂଶ ଶୁଟିଂ କରାଯିବ ।
